គយ បង្ហាញពីចំណូលពន្ធសរុប ដែលប្រមូលបាននៅឆមាសទី១ ឆ្នាំ២០១៨

2018-07-18 08:52:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អគ្គនាយកដ្ឋានគយ និងរដ្ឋាករកម្ពុជា ប្រមូលចំណូលពន្ធសរុបបានចំនួនប្រមាណ ៤ពាន់ប៊ីលានរៀល ឬស្មើនឹងជាង ៩៨០លានដុល្លារ សម្រាប់រយៈពេល៦ខែ ដើមឆ្នាំ២០១៨។ នេះបើយោងតាមការចុះផ្សាយរបស់ទីភ្នាក់ងារសារព័ត៌មានកម្ពុជា នៅថ្ងៃទី១៨ ខែកក្កដា ឆ្នាំ២០១៨។

លោក គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា បានឲ្យដឹងថា ចំណូលពន្ធនៅឆមាសទី១ មានកំណើនប្រហែល ២៧,៨% ដោយក្នុងនោះចំណូលបានពីយានយន្តកើនឡើង ៤០,៥% ប្រេងនិងថាមពល ១០,៥% គ្រឿងសំណង់ ២៦,៦% និងមុខទំនិញចម្រុះ ២៧%។ លោក គុណ ញឹម បញ្ជាក់ថា ចំណូលពន្ធកើនឡើង ក្នុងកម្រិតខ្ពស់គួរឲ្យកត់សម្គាល់នេះ ដោយសារកម្ពុជាមានកំណើនសេដ្ឋកិច្ច និងស្ថិរភាពនយោបាយល្អ ដែលនាំឲ្យសកម្មភាពពាណិជ្ជកម្ម វិនិយោគ ផលិតកម្ម សេវាកម្ម និងការប្រើប្រាស់ជាទូទៅមានការកើនឡើងខ្ពស់។ កត្តាទាំងនេះ បានរុញច្រានឲ្យមានការនាំចូលមុខទំនិញផ្សេងៗ ដើម្បីឆ្លើយតបនឹងតម្រូវការ និងការផ្គត់ផ្គង់ទីផ្សារក្នុងស្រុក៕

ប្រភព៖ AKP ប្រែសម្រួល៖ ឈាង.