សមាគមខ្មែរ-វៀតណាម ប្តឹងទៅក្រសួងមហាផ្ទៃរឿងគេបង្កើតហ្វេកប៊ុកក្លែងក្លាយ
- 2018-07-19 00:32:33
- ចំនួនមតិ 0 | ចំនួនចែករំលែក 0
សមាគមខ្មែរ-វៀតណាម ប្តឹងទៅក្រសួងមហាផ្ទៃរឿងគេបង្កើតហ្វេកប៊ុកក្លែងក្លាយ
ចន្លោះមិនឃើញ
លោក ស៊ឹម ជី ប្រធានសមាគមខ្មែរ-វៀតណាមនៅកម្ពុជា បានដាក់ពាក្យបណ្តឹងទៅសម្តេច ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលពីថ្ងៃទី១៨ ខែកក្កដា ស្នើសុំឲ្យជួយអន្ដរាគមន៏ និង ចាត់វិធានការតាមផ្លូវច្បាប់ចំពោះជនដែលបានបង្កើតទំព័រ (Page) ក្នុងប្រព័ន្ធផ្សព្វផ្សាយសង្គម (Facebook) ដែលមានឈ្មោះថា សមាគមវៀតណាមនៅកម្ពុជា។
សមាគមដដែល ក៏បានស្នើសុំធ្វើវិសោធនកម្មលក្ខន្តិកៈ ប្ដូរឈ្មោះពី សមាគមវៀតណាមនៅព្រះរាជាណាចក្រកម្ពុជា ទៅជា សមាគមសហព័ន្ធខ្មែរ˗វៀតណាមនៅព្រះរាជាណាចក្រកម្ពុជា ក្នុងលិខិតលេខ ៣៦៣ សជណ ចុះថ្ងៃទី០៧ ខែមីនា ឆ្នាំ២០១១ របស់ក្រសួងមហាផ្ទៃ។
ជុំវិញបញ្ហានេះ នាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃ បានថ្លែងប្រាប់ [ខ្លីៗ] ក្នុងកិច្ចសម្ភាសកាលពីព្រឹកថ្ងៃទី១៨ ខែកក្កដាថា ខាងជំនាញកំពុងតែធ្វើការស៊ើបអង្កេតទៅលើហ្វេសប៊ុកមួយចំនួន (បង្កើតហ្វេសប៊ុកក្លែងក្លាយ) និងប្រឌិតព័ត៌មានថា សមាគមវៀតណាមនៅកម្ពុជាអំពាវនាវ ឲ្យប្រជាពលរដ្ឋវៀតណាម ចូលរួមបោះឆ្នោតនៅថ្ងៃទី២៩ ខែកក្កដា ឆ្នាំ២០១៨ ខាងមុខនេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
