CNCC បង្កើតពានរង្វាន់ចំនួន១០ សម្រាប់លីគកម្ពុជារដូវកាល២០១៨នេះ
- 2018-07-20 08:20:33
- ចំនួនមតិ 0 | ចំនួនចែករំលែក 0
CNCC បង្កើតពានរង្វាន់ចំនួន១០ សម្រាប់លីគកម្ពុជារដូវកាល២០១៨នេះ
ចន្លោះមិនឃើញ
គណៈកម្មការប្រកួតបាល់ទាត់ជាតិកម្ពុជា (CNCC) បានបង្កើតពានរង្វាន់់ចំនួន ១០ផ្សេងៗគ្នា ដែលនឹងត្រូវប្រគល់ជូនម្ចាស់ជយលាភីនាដំណាច់រដូវកាលឆ្នាំ២០១៨នេះ ដើម្បីលើកទឹកចិត្តដល់ក្លឹប គ្រូបង្វឹក កីឡាករ និងអ្នកគាំទ្រ ក្នុងពានរង្វាន់ Metfone Cambodian League និងពានរង្វាន់សម្តេច ហ៊ុន សែន។ នេះបើតាមការចុះផ្សាយរបស់ CNCC នៅថ្ងៃទី២០កក្កដានេះ។
ពានរង្វាន់ទាំងនោះមានដូចជា៖ គ្រូបង្វឹកសម្បូរប្រជាប្រិយភាព កីឡាករសម្បូរប្រជាប្រិយភាព អ្នកគាំទ្រឆ្នើម អ្នកថតរូបបាល់ទាត់ឆ្នើម និងពានរង្វាន់ឯកត្តជនថ្មីគឺ កីឡាករសង្ហារជាងគេ ជាមួយពានពិសេសៗ៥ផ្សេងទៀត ដែលនឹងត្រូវបង្ហាញបេក្ខភាព ដើម្បីទទួលសំឡេងបោះឆ្នោតគាំទ្រតាមរយៈទំព័រហ្វេសប៊ុក CNCC នាពេលឆាប់ៗនេះ។
គួររំលឹកថា រដូវកាលកន្លងទៅ CNCC បានផ្ដល់ពានរង្វាន់ចំនួន៤ប៉ុណ្ណោះ រួមមាន៖
លោក មាស ចាន់ណា ឈ្នះពានគ្រូបង្វឹកសម្បូរប្រជាប្រិយភាព
ខ្សែការពារ លី វ៉ាហេទ ឈ្នះពានកីឡាករសម្បូរប្រជាប្រិយភាព
លោក ប៊ីវ តុលា ឈ្នះពានអ្នកគាំទ្រឆ្នើម
និងលោក សឿន សាយ័ន្តសន្យា ឈ្នះពានអ្នកថតរូបឆ្នើម៕