ប្រមុខការទូតអាមេរិក ប្រៀបមេដឹកនាំអ៊ីរ៉ង់ដូចម៉ាហ្វីយ៉ា
- 2018-07-23 02:51:59
- ចំនួនមតិ 0 | ចំនួនចែករំលែក 0
ប្រមុខការទូតអាមេរិក ប្រៀបមេដឹកនាំអ៊ីរ៉ង់ដូចម៉ាហ្វីយ៉ា
ចន្លោះមិនឃើញ
លោក Mike Pompeo រដ្ឋមន្រ្តីការបរទេសអាមេរិក កាលពីថ្ងៃទី២២ ខែកក្កដា ២០១៨ ម្សិលមិញ បានបញ្ជាក់ថា អ៊ីរ៉ង់កំពុងត្រូវបានដឹកនាំដោយអ្វីដែលប្រៀបដូចក្រុមម៉ាហ្វីយ៉ា ជាងរដ្ឋាភិបាលមួយ។
ការលើកឡើងរបស់ប្រមុខការបរទេសអាមេរិក បានធ្វើឡើងនៅរដ្ឋ California មុខពលរដ្ឋអ៊ីរ៉ង់-អាមេរិកជាច្រើន។ លោកថា ពលរដ្ឋអ៊ីរ៉ង់ត្រូវតែកំណត់គោលដៅប្រទេសរបស់ខ្លួន ហើយក្រុងវ៉ាស៊ីនតោននឹងគាំទ្រសំឡេងរបស់ពលរដ្ឋអ៊ីរ៉ង់ដែលត្រូវបានគេបំភ្លេចចោលជាយូរមកហើយ។
ជាងនេះទៅទៀត លោកបានបន្ថែមថា រដ្ឋាភិបាលអាមេរិកបានកំពុងបើកដំណើរការទូរទស្សន៍ វិទ្យុ និងប្រព័ន្ធផ្សព្វផ្សាយឌីជីថលជាភាសា Farsi ផ្ដល់ជូនប្រជាពលរដ្ឋអ៊ីរ៉ង់ ទាំងនៅក្នុងប្រទេសអ៊ីរ៉ង់ និងជុំវិញពិភពលោក៕