រថយន្តក្រុងសាធារណៈ នឹងត្រូវផ្អាកដំណើរការក្នុងថ្ងៃបោះឆ្នោត

2018-07-24 12:10:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សេវាដឹកជញ្ជូនសាធារណៈរថយន្តក្រុង របស់រដ្ឋាករដឹកជញ្ជូនសាធារណៈរថយន្តក្រុង (City Bus) នឹងត្រូវផ្អាក រយៈពេល ១ថ្ងៃ គឺនៅអាទិត្យ ទី២៩ ខែកក្កដា ឆ្នាំ២០១៨ ដែលជាថ្ងៃបោះឆ្នោតជ្រើសតាំងតំណាងរាស្រ្ដ នីតិកាលទី៦។ នេះបើយោងតាមសេចក្ដីជូនដំណឹងរបស់រដ្ឋបាលរាជធានីភ្នំពេញ នាថ្ងៃទី២៤ ខែកក្កដានេះ។

រដ្ឋបាលរាជធានីភ្នំពេញ បានបញ្ជាក់ថា ការផ្អាកដំណើរការសេវារថយន្តក្រុងសាធារណៈក្នុងថ្ងៃបោះឆ្នោតនេះ គឺនុវត្តតាមសេចក្ដីអំពាវនាវរបស់ គ.ជ.ប និងលិខិតរបស់ក្រសួងការងារ ដើម្បីឲ្យបុគ្គលិក City Bus បានអនុវត្តសិទ្ធិក្នុងនាមជាពលរដ្ឋខ្មែរ បានទៅចូលរួមបោះឆ្នោតជ្រើសតាំងតំណាងរាស្រ្ដ នីតិកាលទី៦ ឆ្នាំ២០១៨។

នៅក្នុងសេចក្ដីជូនដំណឹងដែលចុះហត្ថលេខាដោយលោក ឃួង ស្រេង អភិបាលរាជធានីភ្នំពេញ នោះ បានបញ្ជាក់ថា សេវារថយន្តក្រុងសាធារណៈ នឹងដំណើរការជាធម្មតាវិញ នៅ ថ្ងៃចន្ទ ទី៣០ ខែកក្កដា ឆ្នាំ២០១៨៕

ចុចអានអត្ថបទទាក់ទង៖

អត្ថបទ៖ សុខ សុវត្ថិ