នាយករដ្ឋមន្រ្តីឡាវ ទៅតំបន់ដែលរងការបាក់ទំនប់ ខណៈអ្នកស្លាប់ឡើងដល់ ២០នាក់ហើយ

2018-07-25 01:47:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ថងលួង ស៊ីសូលីត នាយករដ្ឋមន្រ្តីឡាវ បានផ្អាកកិច្ចប្រជុំរដ្ឋាភិបាល កាលពីថ្ងៃទី២៤កក្កដា ដើម្បីទៅកាន់ស្រុក Sanamxay ខេត្ត Attepeu ជាកន្លែងដែលរងការបាក់ទំនប់វារីអគ្គិសនី។

លោក ថងលួង ស៊ីសូលីត នៅតំបន់រងគ្រោះដោយសារការបាក់ទំនប់វារីអគ្គិសនី កាលពីថ្ងៃទី២៤កក្កដា ២០១៨។ រូបថត៖ ABC Lao News

លោកបានធ្វើដំណើរទៅកាន់ទីនោះ តាមឧទ្ធម្ភាគចក្រ រួមជាមួយមន្រ្តីជាន់ខ្ពស់ជាច្រើនរូបទៀត ដើម្បីត្រួតពិនិត្យការសង្គ្រោះប្រជាជនដែលរងគ្រោះពីទឹកជំនន់ បន្ទាប់ពីការបាក់ទំនប់នោះ។

រដ្ឋាភិបាលឡាវ បានឱ្យក្រសួងការងារ និងសុខុមាលភាពសង្គម សហការជាមួយក្រសួងការពារជាតិ និងអាជ្ញាធរខេត្ត Attapeu ដើម្បីបង្កើតគណៈកម្មាធិការពិសេស១ ក្នុងការប្រមូលនូវការផ្គត់ផ្គង់ជំនួយនានា ទៅជួយសង្គ្រោះជនរងគ្រោះ។

សូមជម្រាបថា ទំនប់វារីអគ្គិសនី Xepian-Xe Nam Noy ក្នុងខេត្ត Attapeuបានបាក់កាលពីយប់ថ្ងៃទី២៣ ខែកក្កដា ឆ្នាំ២០១៨ បានបណ្តាលឱ្យមនុស្សស្លាប់ និងបាត់ខ្លួនជាច្រើនរយនាក់។ បើតាមការចេញផ្សាយរបស់ BBC នៅប៉ុន្មានម៉ោងមុននេះ បញ្ជាក់ថា មានអ្នកស្លាប់យ៉ាងហោចណាស់ចំនួន ២០នាក់ហើយ និងបាត់ខ្លួនជាង ១០០នាក់៕