សិង្ហបុរីប្រកាសគាំទ្រគំនិតផ្ដួចផ្ដើមសម្រាប់កាត់បន្ថយគម្លាតការអភិវឌ្ឍអាស៊ាន

2018-08-02 06:16:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ដើម្បីពន្លឿនសមាហរណកម្មសេដ្ឋកិច្ច និងការបញ្ចូលបច្ចេកវិទ្យានៅក្នុងតំបន់ ប្រទេសសិង្ហបុរីនឹងពង្រឹងការគាំទ្ររបស់ខ្លួន សម្រាប់គំនិតផ្ដួចផ្ដើមមួយ ក្នុងគោលបំណងកាត់បន្ថយកម្លាតការអភិវឌ្ឍក្នុងចំណោមសមាជិកអាស៊ាន។ នេះបើតាមការលើកឡើងរបស់លោក លី សៀនឡុង នាយករដ្ឋមន្រ្តីសិង្ហបុរី នៅថ្ងៃទី២ ខែសីហា ២០១៨នេះ។

លោក លី សៀនឡុង នាយករដ្ឋមន្រ្តីសិង្ហបុរី

ក្នុងនោះ មជ្ឈមណ្ឌលនៃគំនិតផ្ដួចផ្ដើមសម្រាប់សមាហរណកម្មអាស៊ានចំនួន៣ នៅក្នុងប្រទេសវៀតណាម កម្ពុជា និងឡាវ នឹងត្រូវធ្វើការអភិវឌ្ឍទៅរកមជ្ឈមណ្ឌលសហប្រតិបត្តិការសិង្ហបុរី ដែលនឹងមានការពង្រីកទំហំជំនួយបច្ចេកទេស និងបែបបទថ្មី សម្រាប់ការកសាងសមត្ថភាព។

លោក លី បានថ្លែងក្នុងពិធីបើកកិច្ចប្រជុំរដ្ឋមន្រ្តីការបទេសអាស៊ាន លើកទី៥១ ថា "សិង្ហបុរីសង្ឃឹមថា នឹងចែករំលែកបទពិសោធន៍នានារបស់យើង ហើយជាមួយគ្នានេះ យើងនឹងរៀនពីប្រទេសជិតខាង និងដៃគូរបស់យើង"។

លោកបន្ថែមថា ភាគចាំបាច់ដើម្បីបន្ដពង្រឹងស្ថាបត្យកម្មតំបន់ ដែលមានរចនាសម្ព័ន្ធដឹកនាំអាស៊ានជាច្រើន ដូចជាសហគមន៍សេដ្ឋកិច្ចអាស៊ាន បានបម្រើតំបន់នេះយ៉ាងល្អប្រសើរ៕

ប្រភព៖ Channelnewsasia ប្រែសម្រួល៖ វាសនា