អាមេរិក សន្យាផ្ដល់ ៣០០លានដុល្លារសម្រាប់សន្តិសុខអាស៊ីអាគ្នេយ៍

2018-08-04 04:14:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Mike Pompeo រដ្ឋមន្ត្រីការបរទេសអាមេរិក នៅថ្ងៃសៅរ៍ ទី៤ ខែសីហា ឆ្នាំ២០១៨នេះ បានប្រកាសពីការផ្ដល់ជំនួយក្នុងទឹកប្រាក់ ៣០០លានដុល្លារអាមេរិក សម្រាប់សន្តិសុខនៅអាស៊ីអាគ្នេយ៍។ ការលើកឡើងនេះ ត្រូវបានលោករដ្ឋមន្ត្រីការបរទេសអាមេរិកបញ្ជាក់ក្នុងជំនួបជាមួយរដ្ឋមន្ត្រីការបរទេសនៃបណ្ដាប្រទេសអាស៊ាន នៅប្រទេសសិង្ហបុរី។

លោក Mike Pompeo និងរដ្ឋមន្ត្រីការបរទេសនៃបណ្ដាប្រទេសអាស៊ាន ក្នុងកិច្ចប្រជុំ អាស៊ាន-អាមេរិក កាលពីថ្ងៃទី៣សីហា (រូបថត៖ Reuters)

លោក Pompeo បានបង្ហើបថា ជំនួយសន្តិសុខថ្មីនេះនឹងពង្រឹងសន្តិសុខផ្លូវទឹក អភិវឌ្ឍជំនួយមនុស្សធម៌ រក្សាសន្តិភាព និងប្រឆាំងការគំរាមកំហែងឆ្លងដែន។

សូមជម្រាបថា នៅដើមសប្ដាហ៍នេះ សហរដ្ឋអាមេរិកបានប្រកាសពីការវិនិយោគ ១១៣លានដុល្លារ លើផ្នែកបច្ចេកវិទ្យា ថាមពល និងហេដ្ឋារចនាសម្ព័ន្ធ នៅអាស៊ី ដែលអាមេរិកចាត់ទុកជាការរួមចំណែកដល់សេដ្ឋកិច្ចអាមេរិកក្នុងតំបន់នេះ។

ជំនួយសន្តិសុខនៅអាស៊ីអាគ្នេយ៍ ជាផ្នែកមួយក្នុងការពង្រឹងសន្តិសុខក្នុងតំបន់ ឥណ្ឌូ-ប៉ាស៊ីហ្វិក របស់អាមេរិក ស្របពេលដែលប្រទេសចិន កំពុងអនុវត្តគម្រោងខ្សែក្រវាត់ និងវិថី របស់ខ្លួននៅតំបន់អាស៊ីអាគ្នេយ៍ផងដែរ៕

ប្រភព៖ Reuters ប្រែសម្រួល៖ លាភ.