Honda បានវិលត្រឡប់មកលេងឲ្យក្លឹបនៅអាស៊ីវិញហើយ

2018-08-06 06:39:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែបម្រើជប៉ុន Keisuke Honda បានក្លាយជាសមាជិករបស់ក្លឹបបាល់ទាត់ Melbourne Victory ដែលស្ថិតនៅក្របខ័ណ្ឌ A-League របស់ប្រទេសអូស្ត្រាលី។ ការផ្ទេរទៅកាន់ក្លឹប Melbourne Victory របស់ Honda ត្រូវបានប្រកាសជាផ្លូវការនៅនាព្រឹកថ្ងៃទី៦ ខែសីហា ឆ្នាំ២០១៨នេះ នៅលើបណ្ដាញសង្គម Twitter ។

Honday (រូបថត៖ Reuters)

ការប្រកាសជាផ្លូវការនេះដែរ ត្រូវបានធ្វើឡើងបន្ទាប់ពី Honda ដែលជាកីឡាករក្រុមជម្រើសជាតិជប៉ុន បានបង្ហើបកាលពីពេលថ្មីៗកន្លងទៅថា ខ្លួននឹងផ្លាស់ទៅប្រកបអាជីពនៅប្រទេសអូស្ត្រាលី ចាប់ពីថ្ងៃទី២ ខែសីហា ឆ្នាំ២០១៨ ក្នុងកិច្ចសម្ភាសជាមួយទូរទស្សន៍ Abema TV របស់ជប៉ុន។

យ៉ាងណាក៏ដោយ មិនមានការបញ្ជាក់ពីតម្លៃខ្លួន និងប្រាក់ឈ្នួលដែលកីឡាករវ័យ៣២ឆ្នាំរូបនេះ ទទួលបាននោះទេ។

សូមជម្រាបថា ចាប់ពីឆ្នាំ២០០៤ មកទល់បច្ចុប្បន្ន Honda ធ្លាប់លេងឲ្យក្លឹប ដូចជា Nagoya Grampus (ជប៉ុន), VVV-Venlo (ហុល្លង់), CSKA Moscow (រុស្ស៊ី), AC Milan (អ៊ីតាលី), Pachuca (ម៉ិកស៊ីកូ) និងMelbourne Victory (អូស្ត្រាលី)។ Honday ក៏ជាសមាជិកក្រុមជម្រើសជាតិជប៉ុន ដែលបានបង្ហាញខ្លួនក្នុងកម្រិត U20, U23 និងក្រុមឈុតធំ៕

ប្រភព៖ Football Tribe ប្រែសម្រួល៖ លាភ.