Updated៖ ចំនួនអ្នកស្លាប់ដោយសាររញ្ជួយដីនៅឥណ្ឌូណេស៊ី កើនដល់៣៤៧នាក់

2018-08-09 00:41:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទីភ្នាក់ងារសារព័ត៌មានឥណ្ឌូណេស៊ី បានរាយការណ៍ថា អ្នកស្លាប់ដោយសាររញ្ជួយដី កាលពីថ្ងៃអាទិត្យកន្លងទៅ ដែលមានកម្រិត៦,៩រ៉ិចទ័រ នៅកោះ Lombok បានកើនដល់ ៣៤៧នាក់ហើយ។

គ្រឿងចក្រ កាយថ្ម ស្វែងរកជនរងគ្រោះ ដែលអាចជាប់នៅក្រោមបំណែកថ្ម (រូបថត៖ Reuters)

ទីភ្នាក់ងារសារព័ត៌មានឥណ្ឌូណេស៊ី បានបន្តថា មនុស្សរាប់ពាន់នាក់ កំពុងគ្មានទីជម្រក ស្របពេលដែលភ្ញៀវទេសចរជាច្រើន បានជាប់គាំងនៅព្រលានយន្តហោះនានានៅកោះ Lombok ។

ចំណែកជំនួយ ត្រូវបានដឹកជញ្ជូនទៅកាន់ទីដាច់ស្រយាល នៃកោះ ខណៈក្រុមជួយសង្គ្រោះ កំពុងបន្តការស្វែងរកជនរងគ្រោះដែលត្រូវបានជាប់នៅក្រោមបំណែកថ្ម។

មនុស្សជាច្រើន បានប្រើប្រាស់មុខងារ Safty Check របស់បណ្ដាញសង្គមហ្វេសប៊ុក ដែលត្រូវបានដាក់ឲ្យប្រើប្រាស់កាលពីឆ្នាំ២០១៤ ដើម្បីជូនដំណឹងដល់សាច់ញាត់ និងមិត្តភ័ក្តិឲ្យបានដឹងថា ពួកគេមានសុវត្ថិភាព៕

ប្រភព៖ ABC News ប្រែសម្រួល៖ លាភ.