“Angkor: Rise of Heroes” ជាវីដេអូហ្គេមថ្មី ដែលផលិតដោយកូនខ្មែរ

2018-08-09 07:28:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

“Angkor: Rise of Heroes” ជាហ្គេមថ្មីមួយប្រភេទ ដែលបង្កើតឡើងក្រុមបង្កើតវីដេអូគំនូរជីវចល និងហ្គេមកម្ពុជាឈ្មោះ Sil Animation។

លោក យក់ ស៊ីវ៉ាល់រី

លោក យក់ ស៊ីវ៉ាល់រី ស្ថាបនិកនៃក្រុម Sil Animation បានប្រាប់ថា ហ្គេមនេះមិនទាន់បញ្ចប់ការផលិតទាំងមូលនៅឡើយទេ។ យ៉ាងណាមិញ លោកនឹងដាក់បង្ហាញវគ្គដំបូងនៃហ្គេម "Angkor: Rise of Heroes" នៅអំឡុងខែសីហា នេះ។ នៅក្នុងហ្គេម លោកបានបញ្ចូលរូបភាព ភ្លេង សំឡេង Effect តួអង្គ បូករួមជាមួយវប្បធម៌ ក្បាច់គុណ ដែលមានលក្ខណៈជារបស់ខ្មែរច្រើន។

ទស្សនាវីដេអូ Trailer ខាងក្រោម៖

រូបភាពគំរូតួអង្គក្នុងហ្គេម

ស្ថាបនិករូបនេះ បន្ថែមថា វាជាគម្រោងដ៏ធំមួយ ដែលធ្វើយ៉ាងណាឲ្យមានលក្ខណៈស្ដង់ដារអាចប្រជែងនឹងបរទេសបាន។ នៅក្នុងគម្រោងដដែលនេះ លោក ស៊ីវ៉ាល់រី បានចំណាយពេលធ្វើអស់ជាង ១ឆ្នាំមកហើយ បន្ទាប់ពីបានសម្រេចជោគជ័យលើគម្រោងមុនៗរបស់លោក។

សូមជម្រាបថា មុនពេលប្រកាសអំពីហ្គេម "Angkor: Rise of Heroes" ក្រុម Sil Animation ធ្លាប់បង្កើតគំនូរជីវចលដែលមានឈ្មោះថា "យក្សតូច" បានចំនួន ២វគ្គរួចមកហើយ រួមទាំងគម្រោងផ្សេងៗជាច្រើនទៀត៕