គម្រោង "ផ្សារម៉ាក្រូ" នៅសៀមរាប ទទួលបានការអនុញ្ញាតពីរាជរដ្ឋាភិបាលហើយ

2018-08-10 12:37:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា នៅថ្ងៃទី១០សីហានេះ បានសម្រេចចេញវិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុន Makro (Cambodia) Company Limited លើគម្រោងបង្កើតមជ្ឈមណ្ឌលពាណិជ្ជកម្ម (ផ្សារម៉ាក្រូ) ហើយ។

គម្រោងមជ្ឈមណ្ឌលពាណិជ្ជកម្មនេះ មានទីតាំងនៅភូមិគោកត្នោត ឃុំសណ្តែក ស្រុកប្រាសាទបាគង ខេត្តសៀមរាប ជាមួយទុនវិនិយោគប្រមាណជាង ១៨,៧៦លានដុល្លារ និងអាចបង្កើតការងារបាន ១៧៩កន្លែង។

ទីតាំងវិនិយោគផ្សារម៉ាក្រូ នៅខេត្តសៀមរាប។ រូបភាព៖ ក្រុមប្រឹក្សាអភិវឌ្ឍន៍កម្ពុជា

សូមរំលឹកថា កាលពីថ្ងៃទី១៧ ខែធ្នូ ឆ្នាំ២០១៨ ផ្សារម៉ាក្រូ ដែលជាមជ្ឈមណ្ឌលចែកចាយផលិតផលបោះដុំ និងលក់រាយធំបំផុត មានមូលដ្ឋានមកពីប្រទេសថៃ ក៏ត្រូវបានបើកសម្ពោធសាខាដំបូងរបស់ខ្លួន នៅកម្ពុជាផងដែរ ដោយស្ថិតក្នុងខណ្ឌសែនសុខ រាជធានីភ្នំពេញ។ ផ្សារនេះ ត្រូវបានសាងសង់ឡើងក្រោមកិច្ចសហការវិនិយោគរវាងក្រុមហ៊ុន អិល វ៉ាយ ភី គ្រុប របស់អ្នកឧកញ៉ា លី យ៉ុងផាត់ និងក្រុមហ៊ុន ស៊ីយ៉ាម ម៉ាក្រូ របស់ថៃ លើផ្ទៃដី ៥ហិកតា៕

អត្ថបទ៖ សំភី