គម្រោងបង្កើតរោងចក្រ២ មានទុនវិនិយោគជាង១០លានដុល្លារ នឹងលេចឡើងនៅភ្នំពេញ

2018-08-11 02:31:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីជាស្ថាពរ ជូនក្រុមហ៊ុនចំនួន២ ដើម្បីវិនិយោគ គម្រោងសាងសង់រោងចក្រកាត់ដេរសម្លៀកបំពាក់ និងរោងចក្រផលិតប្រេងម៉ាស៊ូត ដែលមានទឹកប្រាក់វិនិយោគសរុបជាង ១០លានដុល្លារអាមេរិក និងអាចបង្កើតការងារ រាប់ពាន់កន្លែង។

យោងតាមទំព័រហ្វេសប៊ុកផ្លូវការរបស់ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី១០សីហា គម្រោងបង្កើតរោងចក្រកាត់ដេរសម្លៀកបំពាក់របស់ក្រុមហ៊ុន RONG WIN GARMENT CO.,LTD មានទីតាំងវិនិយោគ នៅអគារ J សួនឧស្សាហកម្មវឌ្ឍនៈ១ ភូមិដំណាក់ធំ២ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ មានទុនវិនិយោគ ៩ ៤៥៣ ៩៩៥ ដុល្លារអាមេរិក និងអាចបង្កើតការងារបាន ២១២១ កន្លែង។

ចំណែក គម្រោងបង្កើតរោងចក្រផលិតប្រេងម៉ាស៊ូតពីសំណល់ប្លាស្ទិក និងសំណល់ប្រេងម៉ាស៊ីន (ប្រមូលទិញក្នុងស្រុក) របស់ក្រុមហ៊ុនE 1 RENEWABLE ENERGY CO.,LTD មានទីតាំងវិនិយោគស្ថិតនៅភូមិអន្លង់គងចាស់ សង្កាត់ព្រៃស ខណ្ឌដង្កោ រាជធានីភ្នំពេញ មានទុនវិនិយោគ ៣ ៦២២ ៥០០ដុល្លារអាមេរិក និងអាចបង្កើតការងារបាន ២១២១កន្លែង៕