គណបក្សហ៊្វុនស៊ិនប៉ិច តែងតាំងព្រះអង្គម្ចាស់ នរោត្តម ចក្រាវុឌ្ឍ ជាព្រះប្រធានស្ដីទី

2018-08-11 02:54:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមសេចក្ដីសម្រេចស្ដីពីការតែងតាំងប្រធានស្ដីទីគណបក្ស និងអគ្គលេខាធិការប្រតិបត្តិនៃគណបក្សហ្វ៊ុនស៊ិនប៉ិច ចុះកាលពីថ្ងៃទី៨ ខែសីហា ឆ្នាំ២០១៨ គណបក្សហ្វ៊ុនស៊ិនប៉ិច បានសម្រេចតែងតាំង ព្រះអង្គម្ចាស់ នរោត្តម ចក្រាវុឌ្ឈ ជាព្រះប្រធានស្ដីទី និងសហជីវិន ពេជ្រ សុជេថ្ថា ជាអគ្គលេខាធិការប្រតិបត្តិគណបក្សហ៊្វុនស៊ិនប៉ិច។

ព្រះអង្គម្ចាស់ នរោត្តម ចក្រាវុឌ្ឍ (រូបថត៖ វាយោ)

សេចក្ដីសម្រេចដដែលបញ្ជាក់ថា ព្រះប្រធានស្ដីទីគណបក្ស មានភារកិច្ចដឹកនាំ ចាត់ចែង សម្រេចរាល់ការងារគណបក្សហ៊្វុនស៊ិនប៉ិច ឲ្យមានប្រសិទ្ធភាពខ្ពស់ នៅពេលអវត្តមានព្រះប្រធានគណបក្សក្នុងពេលសម្រាកព្យាបាលជំងឺ ហើយព្រះប្រធានស្ដីទី មានសិទ្ធសម្រេចកែសម្រួល ផ្លាស់ប្ដូរ តែងតាំងសមាសភាពនានា តាមការចាំបាច់ និងមានសិទ្ធិអនុវត្តរាល់ការងារផ្សេងៗ។

លិខិតដដែលបន្តថា អគ្គលេខាធិការប្រតិបត្តិគណបក្ស មានភារកិច្ចដឹកនាំ ចាត់ចែង សម្រេចរាល់ការងាររបស់អគ្គលេខាធិការដ្ឋានគណបក្សហ៊្វុនស៊ិចប៉ិច ឲ្យមានប្រសិទ្ធភាព៕