រដ្ឋាភិបាលក្រុងប៉េកាំង បកស្រាយរឿងឃុំខ្លួនជនជាតិអ៊ុយហ្គួរជាង ១លាននាក់

2018-08-14 03:23:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋាភិបាលក្រុងប៉េកាំងបានបញ្ចូនប្រតិភូចំនួន ៥០នាក់ ទៅជួបជាមួយគណៈកម្មាធិការលុបបំបាត់ការរើសអើងពូជសាសន៍របស់អង្គការសហប្រជាជាតិ (UN) ដើម្បីធ្វើការបកស្រាយជុំវិញការចាប់ខ្លួនជនជាតិភាគតិចអ៊ុយហ្គួរជាង ១លាននាក់។

វត្តមានសន្ដិសុខល្បាតនៅតំបន់ស៊ីនជាំង/ រូបភាព៖ Reuters

លោក Hu Lianhe អគ្គនាយករងនៃអគ្គនាយកដ្ឋានរណសិរ្យរួបរួមការងារ នៃគណៈកម្មាធិការមជ្ឈិមបក្សកុម្មុយនិស្ដចិនបានប្រាប់ទៅគណៈកម្មាធិការរបស់ UN ថា ការចោទប្រកាន់ដែលថា ជនជាតិអ៊ុយហ្គួរ ១លាននាក់ត្រូវបានឃុំខ្លួននៅមជ្ឈមណ្ឌលកែប្រែ គឺមិនពិតទាំងស្រុង។

លោក ថា "ពលរដ្ឋស៊ីនជាំង រួមទាំងជនជាតិភាគតិចអ៊ុយហ្គួរ ទទួលបានសិទ្ធិ និងសេរីភាពស្មើគ្នា"។ ជាមួយគ្នានេះ លោកបញ្ជាក់ថា អ្នកដែលជាក្រុមជ្រុលនិយមដោយសាសនា នឹងត្រូវចាប់ឃុំខ្លួន និងអប់រំឡើងវិញ។

សួមបញ្ជាក់ថា ការបញ្ជូនប្រតិភូក្រុងប៉េកាំងទៅប្រជុំជាមួយអង្គការសហប្រជាតិនៅក្រុងហ្ស៊ឺណែវយ៉ាងកម្រនេះ គឹក្រោយលោកស្រី Gay McDougall សមាជិកម្នាក់នៃគណៈកម្មាធិការលុបបំបាត់ការរើសអើងពូជសាសន៍របស់ UN បានបង្ហាញការការព្រួយបារម្ភតាមរយៈរបាយការណ៍ជាច្រើនថា ក្រុងប៉េកាំងបានឃុំខ្លួនជនជាតិភាគតិចអ៊ុយហ្គួរជាង ១លាននាក់នៅតាមមជ្ឈមណ្ឌលកែប្រែ៕

ប្រភព៖ BBC ប្រែសម្រួល៖ វាសនា