ប៉ូឡូញ បញ្ជូនសំរាមខុសច្បាប់ ១០០០តោន ទៅចាក់ចោលនៅអង់គ្លេសវិញ

2018-08-16 23:48:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សំរាមចំនួន ១ពាន់តោន ត្រូវបានប្រទេសប៉ូឡូញបញ្ជូនទៅកាន់ប្រទេសអង់គ្លេសវិញ ក្រោយពីរកឃើញថា វាជាប្រភេទសំរាមខុសច្បាប់ ដែលគេក្លែងបន្លំថាជាប្លាស្ទិកអាចប្រើប្រាស់ឡើងវិញបាន។ ពាក់ព័ន្ធនឹងករណីនេះ មានក្រុមហ៊ុនចំនួន ៣ នៅអង់គ្លេស ប្រឈមនឹងការស៊ើបអង្កេតឧក្រិដ្ឋកម្មចំពោះសំរាមដែលយកទៅចោលនៅប៉ូឡូញ។

ការបញ្ចេញសំរាមច្រើនទៅកាន់ប៉ូឡូញ បានចាប់ផ្ដើមឡើងក្រោយពីចិនប្រកាសហាមឃាត់ការនាំចូលសំរាមពីបរទេស ដែលជាហេតុធ្វើឲ្យអង់គ្លេសត្រូវបង្វែរទិសដៅដឹកប្រភេទសំរាមមួយចំនួនរបស់ខ្លួនទៅកាន់ប្រទេសផ្សេងៗវិញ។

សូមជម្រាបថា សំរាមដែលក្រុមហ៊ុននៅអង់គ្លេសដឹកទៅចាក់ចោលខុសច្បាប់នៅប៉ូឡូញ មានដូចជា ប្រអប់អីវ៉ាន់ កំប៉ុង កញ្ចប់សាប៊ូ និងប្រេងម៉ាស៊ីនយានយន្ត ជាដើម៕

ប្រភព៖ Waste 360 ប្រែសម្រួល៖ ឈាង.