សម្តេច​ក្រុម​ព្រះ នរោត្តម រណឫទ្ធិ ព្រះ​ប្រធាន​គណបក្ស​ហ៊្វុនស៊ិនប៉ិច បាន​សម្រេច​បញ្ចប់​មុខតំណែង​មន្ត្រី​ជាន់ខ្ពស់​គណបក្ស​ហ៊្វុនស៊ិនប៉ិច ចំនួន​០៤រូប ពី​មុខតំណែង​សំខាន់ៗ​នៅ​ក្នុង​គណបក្ស។

មន្ត្រី​ជាន់​ខ្ពស់​ទាំង​ ០៤រូប ដែល​ត្រូវ​បញ្ចប់​មុខតំណែង​ រួមមាន៖​

១. លោកយូ ហុកគ្រី ពី​អនុប្រធាន​គណបក្ស​ហ៊្វុនស៊ិនប៉ិច និង​មុខតំណែង​ផ្សេងៗ​ទៀត

៣. លោក ញ៉េប ប៊ុនជិន អនុ​ប្រធាន​គណបក្ស​ហ៊្វុនស៊ិនប៉ិច និង​មុខតំណែង​ផ្សេងៗ​ទៀត

៤.លោក វ៉ាន់ សុផាន់ណា ពី​អគ្គលេខាធិការ​រង​ប្រតិបត្តិ​គណបក្ស​ហ៊្វុនស៊ិនប៉ិច និង​មុខ​តំណែង​ផ្សេងៗ​ទៀត​។

សេចក្តី​សម្រេច​នេះ បាន​ធ្វើឡើង​កាលពី​ថ្ងៃ​ទី​៨ ខែ​សីហា ឆ្នាំ​២០១៨ ដែល​ទើបតែ​ធ្លាក់​ដល់ដៃ​អ្នក​សារព័ត៌មាន​នៅ​ព្រឹក​ថ្ងៃ​ទី១៨ ខែ​សីហា ឆ្នាំ​២០១៨​នេះ។

ជាមួយ​គ្នា​នេះ សម្តេច​ក្រុម​ព្រះ នរោត្តម រណឫទ្ធិ ក៏​បាន​តែងតាំង​មុខ​តំណែង​លោក យូ ហុកគ្រី , លោក ប៉ោ ប៊ុនស្រ៊ឺ និង លោក ញ៉េប ប៊ុនជិន ជា​សមាជិក​ក្រុមប្រឹក្សា​ព្រឹទ្ធសាចារ្យ​គណបក្ស​ នៃ​គណបក្ស​ហ៊្វុនស៊ិនប៉ិច​ ផងដែរ៕