Salah បង្កើត​កំណត់ត្រា​១ ក្រោយ​ស្ថិតក្នុង​បញ្ជីបេក្ខជន​ឆ្នើម​ប្រចាំ​ឆ្នាំ​៣នាក់​របស់ UEFA

  • 2018-08-21 01:53:51
  • ចំនួនមតិ 0 | ចំនួនចែករំលែក 0

ចន្លោះមិនឃើញ


Mohamed Salah តារា​ឆ្នើម​របស់​ក្លឹប​ហង្សក្រហម Liverpool បាន​ក្លាយជា​កីឡាករ​មក​ពី​ក្របខណ្ឌ English Premire League លើក​ដំបូង​ដែល​បាន​ជាប់​ជា​បេក្ខភាព ៣​នាក់​ចុងក្រោយ ក្នុង​ការ​ដណ្ដើម​ពានរង្វាន់​កីឡាករ​ឆ្នើម​ប្រចាំ​ឆ្នាំ (UEFA Men's Player of the Year) ចាប់​តាំង​ពី​ការ​បង្កើត​ឡើង​ក្នុង​ឆ្នាំ​២០១១។ គេ​គឺ​ជា​កីឡាករ​អាហ្វ្រិក​ដំបូង​បង្អស់​ដែល​អាច​ឈាន​ដល់​ដំណាក់កាល​នេះ។

Sahah បាន​ជួយ​ឲ្យ Liverpool ឈាន​ដល់​វគ្គផ្តាច់ព្រ័ត្រ ពានរង្វាន់ UEFA Champions League និង​ស៊ុត​បាន ៤៤​គ្រាប់​កាលពី​រដូវ​កាល​២០១៧-១៨។

Salah (រូបថត៖ Reuters)
ក្រៅពី Salah បេក្ខភាព​ចំនួន ២​រូប​ទៀត គឺ Cristiano Ronaldo របស់​ក្លឹប Juventus និង​ Luka Modric របស់​ក្លឹប Real Madrid ។
បេក្ខភាព ៣នាក់ចុងក្រោយ ដណ្ដើមពានរង្វាន់ UEFA Men's Player of the Year 2018

ការ​សម្រេច​នេះ ត្រូវ​បាន​ធ្វើឡើង​ដោយ​ការ​បោះឆ្នោត ក្នុង​ចំណោម​គ្រូ​បង្វឹក ៨០រូប ដែល​បាន​ដឹកនាំ​ក្រុម​ចូលរួម​ក្នុង​ពានរង្វាន់ UEFA Champions League និង UEFA Europa League កាលពី​រដូវ​កាល​មុន រួម​ទាំង​អ្នក​សារព័ត៌មាន​ចំនួន ៥៥​រូប។

សូម​បញ្ជាក់​ថា Ronaldo ជា​កីឡាករ​តែ​ម្នាក់​គត់​ដែល​ធ្លាប់​ឈ្នះ​ពានរង្វាន់​នេះ ៣​លើក ក្នុង​ឆ្នាំ​២០១៤, ២០១៦ និង ២០១៧។ Lionel Messi ឈ្នះ​ ២លើក​ក្នុង​ឆ្នាំ ២០១១ និង ២០១៥ និង Franck Ribery ​ឈ្នះ​ ១លើក​ក្នុង​ឆ្នាំ​២០១៣។

ការ​ប្រកាស​អ្នក​ឈ្នះ​សម្រាប់​ឆ្នាំ​២០១៨​នេះ នឹង​ត្រូវ​ធ្វើឡើង​នៅ​ថ្ងៃ​ទី៣០ ខែ​សីហា ឆ្នាំ​២០១៨៕

អត្ថបទ៖ លាភ.

អត្ថបទថ្មី
;