ម្ចាស់បទ "Havana” ផ្ដួល Beyonce និង Drake លើកពានរង្វាន់២ក្នុងពេលតែមួយ

2018-08-21 06:44:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងពិធីប្រគល់ពានរង្វាន់ MTV Video Music Awards នៅសហរដ្ឋអាមេរិក កាលពីថ្ងៃទី២០ ខែសីហា ឆ្នាំ២០១៨ គេបានរកឃើញម្ចាស់ពានរង្វាន់កំពូលចំនួន២ ផ្សេងគ្នា ដោយបានទៅលើតារាចម្រៀងស្រី Camila Cabello ដែលបានផ្ដួលតារាល្បីៗដូចជា Beyonce, Bruno Mars និង Drake ជាដើម។

Camila Cabello ឈ្នះពានរង្វាន់ ២ ក្នុងកម្មវិធី MTV Video Music Awards នៅសហរដ្ឋអាមេរិក កាលពីថ្ងៃទី២០ ខែសីហា ឆ្នាំ២០១៨ (រូបថត៖ Reuters)

Camila Cabello ដែលមានវ័យ២១ឆ្នាំ បានឈ្នះពានរង្វាន់សិល្បករឆ្នើមប្រចាំឆ្នាំ និងពានរង្វាន់វីដេអូចម្រៀងល្អប្រចាំឆ្នាំ តាមរយៈបទចម្រៀង "Havana” ។

Drake តារាចម្រៀងរ៉េបល្បី, Bruno Mars ម្ចាស់ពានរង្វាន់ Grammy ជាច្រើនលើក និង Beyonce សុទ្ធតែមិនទទួលបានពានរង្វាន់ណាមួយឡើយ។

ក្រៅពីនេះ ក៏មានអ្នកឈ្នះផ្សេងៗទៀត ដូចជា តារារ៉េប ស្រី Cardi B ដែលទទួលបានពានរង្វាន់សិល្បករថ្មីឆ្នើម និងបទចម្រៀងប្រចាំរដូវក្ដៅ តាមរយៈបទ "I Like it” ជាមួយតារា J Balvin និង Bad Bunny ។

សូមជម្រាបថា Cabello ដែលបានកើតនៅប្រទេសគុយប៉ា ជាតារាចម្រៀងទោល បន្ទាប់ពីបានផ្ដាច់ខ្លួនចេញពីក្រុមចម្រៀងស្រី Fifth Harmony កាលពីចុងឆ្នាំ២០១៦៕

ប្រភព៖ Reuters ប្រែសម្រួល៖ លាភ.