Liverpool និង Chelsea បន្តប្រជែងគ្នានៅលើកំពូលតារាង Premier League

2018-09-02 01:29:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហង្សក្រហម Liverpool និងតោខៀវ Chelsea បាននឹងកំពុងបន្តប្រជែងគ្នាលើកំពូលតារាង Premier League គិតត្រឹមសប្តាហ៍ទី៤នេះ បន្ទាប់ពីក្រុមទាំង២ បានយកឈ្នះគូប្រកួតរៀងៗខ្លួន កាលពីយប់មិញ។

Liverpool បានយកឈ្នះ Leicester City ក្នុងលទ្ធផល ២-១។ ២គ្រាប់របស់ Liverpool ធ្វើបានដោយ Mane នៅនាទី១០ និង Roberto Firmino នៅនាទី៤៥។ នៅតង់ទី២ Leicester City វាយបកបាន១គ្រាប់វិញ ធ្វើបានដោយ Ghezzal នៅនាទី៦៣។

Salah របស់ Liverpool ក្នុងការប្រកួតជាមួយ Leicester City កាលពីយប់មិញ (រូបថត៖ Reuters)

ចំណែក Chelsea បានយកឈ្នះក្រុមភ្ញៀវ AFC Bournemouth ក្នុងលទ្ធផល ២-០ ធ្វើបានដោយ Pedro នាទី ៧២ និង Eden Hazard នាទី៨៥។

Hazard របស់ Chelsea ស៊ុតបញ្ចូលទី AFC Bournemouth នៅនាទី៨៥ (រូបថត៖ Reuters)

លទ្ធផលនេះ បានធ្វើឱ្យ Liverpool និង Chelsea មាន ១២ពិន្ទុដូចគ្នា ឈរលើកំពូលតារាង (Liverpool មានគ្រាប់បាល់ចំណេញច្រើនជាង ១គ្រាប់) តាមពីក្រោយដោយ Manchester City ដែលមាន ១០ពិន្ទុ។ ចំណែក Tottenham Hotspur និង Watford ដែលមាន ៩ពិន្ទុដូចគ្នា ឈរនៅលេខ៤ និងលេខ៥ នឹងត្រូវប្រកួតគ្នានៅយប់នេះ៕

ប្រភព៖ BBC ប្រែសម្រួល៖ សំភី