ខ្សែភាពយន្តចំណាយ២លានដុល្លារផលិតនៅខ្មែរ នឹងចូលរួមប្រកួតនៅមហោស្រពភាពយន្តពិភពលោក
- 2018-09-06 00:51:07
- ចំនួនមតិ 0 | ចំនួនចែករំលែក 0
ខ្សែភាពយន្តចំណាយ២លានដុល្លារផលិតនៅខ្មែរ នឹងចូលរួមប្រកួតនៅមហោស្រពភាពយន្តពិភពលោក
ចន្លោះមិនឃើញ
ផលិតករចិន ត្រៀមចំណាយទុនប្រហែល២លានដុល្លារអាមេរិក ក្នុងការផលិតខ្សែភាពយន្តខ្នាតធំនៅកម្ពុជា ដើម្បីយកទៅចូលរួមប្រកួតប្រជែងក្នុងមហោស្រពភាពយន្តពិភពលោក ដែលនឹងប្រារព្ធឡើងនៅទីក្រុងឡូសអេនជឺឡេស សហរដ្ឋអាមេរិក នាខែមេសា ឆ្នាំ២០១៩ខាងមុខនេះ។
អ្នកដឹកនាំរឿង ដដែល បានបន្តថា ខ្សែភាពយន្ត "ពន្លកស្នេហ៍ដុះលើដីកម្ពុជា" នឹងត្រូវបានថតនៅនឹងទីតាំងផ្ទាល់មួយចំនួនដូចជានៅរាជធានីភ្នំពេញ ប្រាសាទអង្គរវត្តក្នុងខេត្តសៀមរាប កោះរ៉ុងក្នុងខេត្តព្រះសីហនុ ភ្នំបូកគោក្នុងខេត្តកំពត ជាដើម។ ចំណែកឯទេសភាពក្នុងប្រទេសចិន ត្រូវបានជ្រើសរើសថតនៅក្នុងក្រុង Teng Chong សង្កាត់ Qiao Xiang ក្រុង Kun Ming ខេត្ត អ៊ីនណាន។ លោកបន្តថា ខ្សែភាពយន្តទាំងមូល គឺផ្តោតទៅលើស្នេហាយុវវ័យកម្ពុជា និងចិន ដែលជាស្នេហាស្មោះស្ម័គ្រឆ្លងប្រទេសជាគោលចម្បង។
លោក យុនមីន បន្ថែមថា ខ្សែភាពយន្ត “ពន្លកស្នេហ៍ដុះលើដីកម្ពុជា” ត្រូវបាននិពន្ធដោយលោក Lin Jie អ្នកនិពន្ធលំដាប់កំពូលថ្នាក់ជាតិនៃប្រទេសចិន និងអ្នកដឹកនាំជនជាតិចិនដ៏ល្បីល្បាញលោក Jiang Yun Min។ ចំណែកតួឯកប្រុស ជាតារាសម្តែងប្រចាំប្រទេសចិនដែលប្រកបដោយបទពិសោធយ៉ាងច្រើនគឺលោក Sun Xu Bo និងតួឯកស្រី គឺជាតារាសម្តែងដែលមានកេរ្តិ៍ឈ្មោះល្បីល្បាញប្រចាំប្រទេសកម្ពុជាគឺ កញ្ញា ផាន់ ផាត់ណា។
ក្នុងពិធីប្រកាសចាប់ផ្ដើមថតខ្សែភាពយន្តនេះដែរ លោក ថោង ខុន រដ្ឋមន្ត្រីក្រសួងទេសចរណ៍ សង្ឃឹមថា ការផលិតខ្សែភាពយន្តនេះ នឹងរួមចំណែកដល់ការផ្សព្វផ្សាយកម្ពុជាទៅកាន់ពិភពលោក និងទៅកាន់ទីផ្សារប្រទេសចិនបន្ថែមទៀត ខណៈរាជរដ្ឋាភិបាលកំពុងដាក់ផែនការទាក់ទាញទេសចរអន្តរជាតិ ឲ្យបានប្រមាណ ៦,២លាននៅដំណាច់ឆ្នាំ២០១៨នេះ និងប្រមាណ ៧លាននាក់ នៅត្រឹមឆ្នាំ២០២០ខាងមុខ៕
រូបថត៖ Khmer Daily
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
