លោក ហ៊ុន ម៉ាណែត ត្រូវនាយករដ្ឋមន្ត្រីស្នើតែងតាំងជាមេទ័ពជើងគោក

2018-09-06 06:23:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្ដេចនាយករដ្ឋមន្ត្រី ហ៊ុន សែន បានទូលស្នើព្រះមហាក្សត្រព្រះបាទសម្ដេចព្រះបរមនាថ នរោត្ដម សីហមុនី ត្រាស់បង្គាប់តែងតាំងឧត្ដមសេនីយ៍ឯក ហ៊ុន ម៉ាណែត ជាមេបញ្ជាការកងទ័ពជើងគោក បន្ថែមពីលើមុខងារបច្ចុប្បន្ន ដែលជាអគ្គមេបញ្ជាការរងកងយោធពលខេមរភូមិន្ទ។

នេះបើយោងតាមលិខិតរបស់សម្ដេច ហ៊ុន សែន ទូលថ្វាយព្រះមហាក្សត្រ ដែល [ខ្លីៗ] ទទួលបាននារសៀល ថ្ងៃទី៦ ខែកញ្ញា ឆ្នាំ២០១៨។

ឧត្ដមសេនីយ៍ឯក ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ

សូមជម្រាបថា ក្រៅពីលោក ហ៊ុន ម៉ាណែត សម្ដេច ហ៊ុន សែន ក៏បានស្នើព្រះមហាក្សត្រតែងតាំងនាយឧត្ដមសេនីយ៍ ឥត សារ៉ាត់ ជានាយសេនាធិការចម្រុះ នៃកងយោធពលខេមរភូមិន្ទ បន្ថែមលើមុខងារបច្ចុប្បន្ន និង ឧត្ដមសេនីយ៍ឯក វង្ស ពិសេន ជាអគ្គមេបញ្ជាការ នៃកងយោធពលខេមរភូមិន្ទ និងដំឡើងឋានន្តរស័ក្តិ ថ្នាក់នាយឧត្ដមសេនីយ៍ (ផ្កាយ ៤)៕

អត្ថបទ៖ ឈាង.