ព្រះករុណព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ​កម្ពុជា បាន​ត្រាស់​បង្គាប់​ផ្ទេរភារកិច្ច និង​តែងតាំង​លោក ជួន សុវណ្ណ ពី​អនុរដ្ឋលេខាធិការ​ក្រសួង​មហាផ្ទៃ មកជា​អនុប្រធាន​អាជ្ញាធរជាតិ​ប្រយុទ្ធប្រឆាំង​គ្រឿងញៀន មាន​ឋានៈ​ស្មើ​រដ្ឋមន្ត្រី ជំនួស​លោក កៅ ខុនដារ៉ា ដែលត្រូវ​ទទួលភារកិច្ច​ថ្មី។

ការ​ផ្ទេរភារកិច្ច​នេះ ត្រូវបាន​សម្តេច​នាយករដ្ឋមន្រ្តី ហ៊ុន សែន ទូលថ្វាយ​ព្រះមហាក្សត្រ អំពី​លក្ខណៈសម្បត្តិ និង​សមត្ថភាព​បទពិសោធន៍ និង​អតីតភាព​ការងារ ដែល​កន្លងមក​មាន​ស្នាដៃ​យ៉ាងល្អប្រសើរ​ក្នុង​បុព្វហេតុបម្រើ​ជាតិមាតុភូមិ។ នេះ​បើយោងតាម​លិខិត​របស់​សម្តេចតេជោ ហ៊ុន សែន ស្នើទូលថ្វាយ​ព្រះមហាក្សត្រ នៅ​ថ្ងៃ​ទី៨ ខែកញ្ញា ឆ្នាំ​២០១៨​នេះ៕