ក្រុងព្យុងយ៉ាង រៀបចំជំនួបកំពូលមេដឹកនាំកូរ៉េទាំងពីរ នៅសប្ដាហ៍នេះ

2018-09-17 03:49:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក មូន ចេអ៊ីន ប្រធានាធិបតីកូរ៉េខាងត្បូង និងលោក គីម ជុងអ៊ុន មេដឹកនាំកំពូលកូរ៉េខាងជើង នឹងជួបពិភក្សាគ្នា ក្នុងជំនួបកំពូលលើកទី៣ នៅក្នុងក្រុងព្យុងយ៉ាង របស់កូរ៉េខាងជើង នៅសប្ដាហ៍នេះ។

លោក Im Jong-seok ប្រធានការិយាល័យប្រធានាធិបតីកូរ៉េខាងត្បូងបញ្ជាក់ថា ជំនួបនេះ នឹងពិភាក្សាដោយផ្ដោតសំខាន់លើមធ្យោបាយដើម្បីរំលាយនុយក្លេអ៊ែរនៅឧបទ្វីបកូរ៉េ។

លោក មូន ចេអ៊ីន និងលោក គិម ជុងអ៊ុន ចាប់ដៃគ្នា នៅតំបន់ព្រំដែននៃប្រទេសទាំងពីរ/ រូបភាព៖ Reuters

ក្នុងនោះ លោក មូន ចេអ៊ីន នឹងចេញដំណើរពីមូលដ្ឋានកងទ័ពអាកាស Seongnam នៅវេលាម៉ោង ៨:៤០នាទីព្រឹកថ្ងៃទី១៨ ខែកញ្ញា ២០១៨។ លោកគ្រោងនឹងទៅដល់ក្រុងព្យុងយ៉ាង នៅវេលាម៉ោង ១០:០០ព្រឹក។ នៅថ្ងៃដដែលនេះ លោក មូន នឹងជួបជាមួយលោក គីម ជុងអ៊ុន មេដឹកនាំកូរ៉េខាងជើង ហើយនឹងអាចទទួលទានអាហារពេលល្ងាចជាមួយគ្នា។

ចូលដល់ថ្ងៃទី១៩ ខែកញ្ញា ២០១៨ មេដឹកនាំទាំងពីរនឹងជួបពិភាក្សាគ្នា ជាលើកទី២។ លោកប្រធានការិយាល័យប្រធានាធិបតីកូរ៉េខាងត្បូងបញ្ជាក់ថា ដំណើរទស្សនកិច្ចទៅកាន់កូរ៉េខាងជើងនេះ គឺផ្ដោតលើរបៀបវារៈចំនួន៣។

ទីមួយ គឺដើម្បីធ្វើឲ្យប្រសើរឡើង និងអភិវឌ្ឍទំនាក់ទំនងប្រទេសកូរ៉េទាំងពីរ ទីពីរ ដើម្បីចរចា និងជំរុញការជជែកពិភាក្សា កូរ៉េខាងជើង-អាមេរិក សម្រាប់ការរំលាយនុយក្លេអ៊ែរនៅឧបទ្វីបកូរ៉េ និងការកាត់បន្ថយភាពតានតឹងផ្នែកយោធា និងបញ្ចប់ការគំរាមនៃសង្រ្គាម។

ក្រោយជំនួបកំពូលនេះ លោក មូន គ្រោងនឹងចាកចេញពីកូរ៉េខាងជើង នៅព្រឹកថ្ងៃទី២០ ខែកញ្ញា ២០១៨៕

ប្រភព៖ Yonhapnews ប្រែសម្រួល៖ វាសនា