អាមេរិក យកពន្ធលើទំនិញចិន ២០០ពាន់លានដុល្លារ

2018-09-18 01:48:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ដូណាល់ ត្រាំ ប្រធានាធិបតីអាមេរិក ថ្លែងកាលពីថ្ងៃទី១៧ ខែកញ្ញាថា លោកនឹងយកពន្ធ១០% លើទំនិញនាំចូលពីប្រទេសចិនចំនួន ២០០ពាន់លានដុល្លារអាមេរិក។ នេះបើតាមសេចក្ដីថ្លែងការណ៍របស់លោក ត្រាំ ស្តីពីការយកពន្ធថ្មីលើទំនិញចិន។

កំពង់ផែមួយ នៅចិន (រូបថត៖ Reuters)

ប្រធានាធិបតីអាមេរិក បានគំរាមថា ប្រសិនបើចិន ចាត់វិធានការប្រឆាំងនឹងកសិករ ឬឧស្សាហកម្មអាមេរិក លោកនឹងយកពន្ធលើទំនិញចិន ២៦៧ពាន់លានដុល្លារបន្ថែមទៀត។

យ៉ាងណាក៏ដោយ លោក ត្រាំ បានលើកលែងចំពោះផលិតផលរបស់ក្រុមហ៊ុន Apple ឡើយ។ ការយកពន្ធនេះ នឹងត្រូវអនុវត្តចាប់ពីថ្ងៃទី២៤ ខែកញ្ញា ឆ្នាំ២០១៨។

កន្លងមក អាមេរិកបានដំឡើងពន្ធ ២៥% លើទំនិញចិន ដែលស្មើនឹង ៥០ពាន់លានដុល្លារអាមេរិករួចទៅហើយ។

សូមរំឭកថា អាមេរិក បាននាំចូលទំនិញពីប្រទេសចិន ប្រមាណជា ៥០៥ពាន់លានដុល្លារ កាលពីឆ្នាំ២០១៧។ ចាប់ពីដើមឆ្នាំ រហូតដល់ខែកក្កដា ឆ្នាំ២០១៨ អាមេរិកនាំចូលទំនិញចិន កើនឡើង ៩% បើធៀបនឹងរយៈពេលដូចគ្នាកាលពីឆ្នាំមុន៕

ប្រភព៖ Channelnewsasia ប្រែសម្រួល៖ លាភ.