CDC អនុញ្ញាតឲ្យក្រុមហ៊ុន៦ វិនិយោគប្រមាណជិត ៣០លានដុល្លារ
- 2018-09-18 06:08:32
- ចំនួនមតិ 0 | ចំនួនចែករំលែក 0
CDC អនុញ្ញាតឲ្យក្រុមហ៊ុន៦ វិនិយោគប្រមាណជិត ៣០លានដុល្លារ
ចន្លោះមិនឃើញ
ក្រុមប្រឹក្សាអភិវឌ្ឍន៍កម្ពុជា (CDC) បានចេញវិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុនចំនួន ៦ ដើម្បីធ្វើការវិនិយោគលើវិស័យកាត់ដេរសម្លៀកបំពាក់ និងផលិតស្បែកជើង ដែលទឹកប្រាក់វិនិយោគជិត ២៧,៨ លានដុល្លារអាមេរិក និងអាចបង្កើតការងាររាប់ពាន់កន្លែង។ គម្រោងទាំងនោះ រួមមាន៖
១- ក្រុមហ៊ុន “YANXIN THREAD LACE CO.,LTD.”៖ គម្រោងបង្កើតរោងចក្រខារអំបោះ ផលិតខ្សែស្បែកជើង និងគ្រឿងបន្សំស្បែកជើង ដែលមានទីតាំងវិនិយោគស្ថិតនៅភូមិកន្ទោកជើង សង្កាត់កន្ទោក ខណ្ឌពោធិ៍សែនជ័យ (អតីតខណ្ឌដង្កោ) រាជធានីភ្នំពេញ។ ក្រុមហ៊ុននេះមានទុនវិនិយោគប្រមាណ ៣,៤៩លានដុល្លារអាមេរិក និងអាចបង្កើតការងារបាន ២៧២កន្លែង។
២- ក្រុមហ៊ុន “HIGH HOPE (CAMBODIA) APPAREL MANUFACTURING CO.,LTD.”៖ គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិត្រពាំងក្រសាំង ឃុំបែកចាន ស្រុកអង្គស្នួល ខេត្តកណ្តាល។ ក្រុមហ៊ុននេះ មានទុនវិនិយោគប្រមាណ ៥,៥៦លានដុល្លារអាមេរិក និងអាចបង្កើតការងារបាន ១៤៨១កន្លែង។
៣- ក្រុមហ៊ុន “DE XIANG GARMENT CO.,LTD.”៖ គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិត្រពាំងជ្រៃ សង្កាត់កាកាបទី២ ខណ្ឌពោធិ៍សែនជ័យ (អតីតភូមិព្រៃទា សង្កាត់ចោមចៅ ខណ្ឌដង្កោ) រាជធានីភ្នំពេញ។ ក្រុមហ៊ុននេះ មានទុនវិនិយោគប្រមាណ ២,៦០លានដុល្លារអាមេរិក និងអាចបង្កើតការងារបាន ៧៤១កន្លែង។
៤- ក្រុមហ៊ុន “GOODNEWS PACKAGING TECHNOLOGY CO.,LTD.”៖ គម្រោងបង្កើតរោងចក្រផលិតគ្រឿងបន្សំស្បែកជើង កាបូប និងសម្លៀកបំពាក់ ដែលមានទីតាំងវិនិយោគស្ថិតនៅភូមិសាលាគ្រួស ឃុំព្រះនិព្វាន្ត ស្រុកគងពិសី ខេត្តកំពង់ស្ពឺ។ ក្រុមហ៊ុននេះ មានទុនវិនិយោគប្រមាណ ៦,១០លានដុល្លារអាមេរិក និងអាចបង្កើតការងារបាន ២៧០កន្លែង។
៥- ក្រុមហ៊ុន “AYC GARMENT FACTORY CO.,LTD.”៖ គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិត្រពាំងពើក ឃុំពើក ស្រុកអង្គស្នួល ខេត្តកណ្តាល។ ក្រុមហ៊ុននេះ មានទុនវិនិយោគប្រមាណ ៣លានដុល្លារអាមេរិក និងអាចបង្កើតការងារបាន ៩១១កន្លែង។
៦- ក្រុមហ៊ុន “FENGFAN (CAMBODIA) CO.,LTD.”៖ គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅផ្លូវជាតិលេខ២ ភូមិកណ្តឹងធំ ឃុំកណ្តឹង ស្រុកបាទី ខេត្តតាកែវ។ ក្រុមហ៊ុននេះ មានទុនវិនិយោគប្រមាណ ៧,០៥លានដុល្លារអាមេរិក និងអាចបង្កើតការងារបាន ៣០៣៤កន្លែង៕