ថៃដាក់បង្ហាញរថយន្តប្រយុទ្ធស៊េរីថ្មី HMV-420
- 2018-09-21 04:02:57
- ចំនួនមតិ 0 | ចំនួនចែករំលែក 0
ថៃដាក់បង្ហាញរថយន្តប្រយុទ្ធស៊េរីថ្មី HMV-420
ចន្លោះមិនឃើញ
ក្រុមហ៊ុនថៃ Panus Assembly បានលាងត្រដាងនូវវត្តមានរថយន្តយោធាស៊េរីថ្មីរបស់ខ្លួនម៉ាក HMV-420។ រថយន្តប្រយុទ្ធនេះ នឹងត្រូវផ្គត់ផ្គង់ទៅឲ្យកងកម្លាំងប្រដាប់អាវុធភូមិន្ទថៃប្រើប្រាស់។ នេះបើយោងតាមការចុះផ្សាយនៅលើវិបសាយសារព័ត៌មានយោធាអាមេរិក Jane's 360 កាលពីថ្ងៃទី២០ ខែកញ្ញា ឆ្នាំ២០១៨។
HMV-420 ត្រូវបានក្រុមហ៊ុន Panus បង្កើតឡើងដោយប្រើគំរូពីរថយន្តប្រយុទ្ធជំនាន់មុនម៉ាក HMV-150 ដែលផលិតកាលពីឆ្នាំ២០១៧។ បន្ថែមពីនេះ វាក៏បានយកគំរូលាយបញ្ចូលគ្នាពីរថពាសដែកអាមេរិក Cadillac Gage V-150 Commando ផងដែរ។
ក្រុមហ៊ុន Pantus បានអះអាងថា រថយន្តនេះនឹងផ្ដល់ឲ្យអ្នកប្រើប្រាស់នូវការការពារយ៉ាងរឹងមាំ និងផ្ទៃខាងក្នុងកាន់តែធំទូលាយជាងមុន។ Pantus បន្តថា ឈ្មោះ HMV-420 ត្រូវបានដាក់តាមកម្លាំងម៉ាស៊ីនរបស់រថយន្តដែលប្រើម៉ាស៊ីន Cummins កម្លាំង៤២០សេះ៕