គម្រោងរោងចក្រផលិតកេសកាតុង និងស្បែកជើង ត្រូវបាន CDC អនុញ្ញាតហើយ
- 2018-09-21 08:00:53
- ចំនួនមតិ 0 | ចំនួនចែករំលែក 0
គម្រោងរោងចក្រផលិតកេសកាតុង និងស្បែកជើង ត្រូវបាន CDC អនុញ្ញាតហើយ
ចន្លោះមិនឃើញ
គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា (CDC) កាលពីថ្ងៃទី២០កញ្ញាម្សិលមិញនេះ បានសម្រេចចេញវិញ្ញាបនបត្រចុះបញ្ជីជាស្ថាពរជូនដល់ក្រុមហ៊ុនចំនួន២ លើគម្រោងបង្កើតរោងចក្រផលិតកេសកាតុង និងរោងចក្រផលិតស្បែកជើង។
គម្រោងបង្កើតរោងចក្រផលិតកេសកាតុង គឺជារបស់ក្រុមហ៊ុន Gin An Paper Co.,Ltd ជាមួយទុនវិនិយោគប្រមាណ ២,១៤លានដុល្លារ និងអាចបង្កើតការងារបានចំនួន ២០៧កន្លែង។ រោងចក្រនេះ មានទីតាំងស្ថិតនៅផ្លូវហាណូយ ភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ។
ចំណែកគម្រោងបង្កើតរោងចក្រផលិតស្បែកជើង គឺជារបស់ក្រុមហ៊ុន Easy Life Shoe Co.,Ltd ជាមួយទុនវិនិយោគប្រមាណ ៥,៣៦លានដុល្លារ និងអាចបង្កើតការងារបានចំនួន ១៦០៩កន្លែង។ គម្រោងនេះ មានទីតាំងវិនិយោគស្ថិតនៅភូមិត្រពាំងជ្រៃ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ៕