ថៃ បញ្ជាទិញឧទ្ធម្ភាគចក្រយោធាពី Airbus
- 2018-09-22 10:28:43
- ចំនួនមតិ 0 | ចំនួនចែករំលែក 0
ថៃ បញ្ជាទិញឧទ្ធម្ភាគចក្រយោធាពី Airbus
ចន្លោះមិនឃើញ
ថៃ បានបញ្ជាទិញឧទ្ធម្ភាគចក្រប្រភេទ H225M របស់ ក្រុមហ៊ុននៅអឺរ៉ុប Airbus ដែលមានបំពាក់ម៉ាស៊ីនពីរ ចំនួន ៤គ្រឿង។ ការបញ្ជាទិញចុងក្រោយនេះ ធ្វើឲ្យថៃមានឧទ្ធម្ភាគចក្រ H225M រហូតដល់ ១២គ្រឿង។ នេះបើយោងតាមការចុះផ្សាយរបស់វេបសាយ Defense News នៅថ្ងៃទី២២ ខែកញ្ញា ឆ្នាំ២០១៨នេះ។
ឧទ្ធម្ភាគចក្រ H225M មានទម្ងន់១១តោន អាចផ្ទុកមនុស្ស ២៨នាក់ ច្រើនជាងប្រភេទ Bell UH-1 ជាង២ដង។ ប្រភព មិនបានបញ្ជាក់ពីតម្លៃនៃឧទ្ធម្ភាគចក្រទាំង៤គ្រឿង ដែលថៃបានទិញនោះទេ។
សូមបញ្ជាក់ថា ឧទ្ធម្ភាគចក្រ H225M មានការពេញនិយមក្នុងចំណោមប្រទេសអាស៊ីអាគ្នេយ៍ ដូចជា ឥណ្ឌូណេស៊ី ម៉ាឡេស៊ី សិង្ហបុរី និងថៃ៕