ការប្រកួតបញ្ចប់រដូវកាលរបស់ ណាហ្គាវើល ត្រូវបានផ្លាស់ប្ដូរទីតាំងប្រកួត

2018-09-26 09:51:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការប្រកួតរវាងក្លឹប ណាហ្គាវើល ទល់នឹងក្លឹប អគ្គស្នងការដ្ឋាននគរបាលជាតិ ក្នុងសប្ដាហ៍ទី២២ ដែលជាសប្ដាហ៍ចុងក្រោយនៃលីគកំពូលកម្ពុជារដូវកាល២០១៨ នឹងត្រូវធ្វើការផ្លាស់ប្ដូរកីឡដ្ឋានពី ស្ដាតចាស់ មកកាន់ ពហុកីឡដ្ឋានជាតិវិញ។ នេះបើយោងតាមលិខិតរបស់សហព័ន្ធកីឡាបាល់ទាត់កម្ពុជា ចុះនៅថ្ងៃទី២៦ ខែកញ្ញា ឆ្នាំ២០១៨នេះ។

លិខិតដដែលឲ្យដឹងថា ចំពោះពេលវេលាប្រកួត ត្រូវបានផ្លាស់ប្ដូរផងដែរ ពីម៉ោង ៣រសៀល ថ្ងៃទី២៩ ខែកញ្ញា ឆ្នាំ២០១៨ មកម៉ោង ៥ ល្ងាច ថ្ងៃទី២៩ ខែកញ្ញា ឆ្នាំ២០១៨។

មូលហេតុគឺ គណៈកម្មការប្រកួតបាល់ទាត់កម្ពុជា នឹងប្រារព្វពិធីប្រគល់ពាន និងបំពាក់មេដាយជូនដល់ក្លឹបបាល់ទាត់ណាហ្គាវើល ដែលទទួលបានជើងឯក លីគកំពូលកម្ពុជា ឆ្នាំ២០១៨ បន្ទាប់ពីការប្រកួតរវាង ណាហ្គាវើល ទល់នឹង អគ្គស្នងការដ្ឋាននគរបាលជាតិ៕