ប្រមុខការទូតអាមេរិក ទៅជួប គីម ជុងអ៊ុន ជាថ្មី ក្រោយកូរ៉េខាងជើងប្រកាសមិនបោះបង់អាវុធនុយក្លេអ៊ែរ

2018-10-02 23:06:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Mike Pompeo រដ្ឋមន្រ្តីក្រសួងការបរទេសអាមេរិក នឹងធ្វើទស្សនកិច្ចទៅប្រទេសកូរ៉េខាងជើង នៅថ្ងៃអាទិត្យ ចុងសប្ដាហ៍នេះ ដោយលោកនឹងជួបពិភាក្សាជាមួយលោក គីម ជុងអ៊ុន មេដឹកនាំកំពូលកូរ៉េខាងជើង ស្ដីពីពីបញ្ហាការរំលាយនុយក្លេអ៊ែររបស់កូរ៉េខាងជើង។ នេះបើតាមសេចក្តីប្រកាសព័ត៌មានរបស់ក្រសួងការបទេសអាមេរិក។

លោក Mike Pompeo រដ្ឋមន្រ្តីក្រសួងការបរទេសអាមេរិក/ រូបភាព៖ AFP

សេចក្តីប្រកាសព័ត៌មានស្ដីពីជំនួបនេះ គឺក្រោយកូរ៉េខាងជើងបានប្រកាសថា កូរ៉េខាងជើងនឹងមិនបោះបង់អាវុធនុយក្លេអ៊ែរ ក្នុងការផ្លាស់ប្ដូរសម្រាប់កិច្ចព្រមព្រៀងសន្ដិភាពនោះទេ។

សូមបញ្ជាក់ថា នេះជាទស្សនកិច្ចលើកទី៤ របស់ប្រមុខការទូតអាមេរិកទៅកាន់កូរ៉េខាងជើង ខណៈរដ្ឋបាល ដូណាល់ ត្រាំ កំពុងសំឡឹងទៅរកការរំលាយកម្មវីធីនុយក្លេអ៊ែរ និងមីស៊ីលបាលីស្ទិករបស់កូរ៉េខាងជើង៕

ប្រភព៖ Channelnewsasia ប្រែសម្រួល៖ វាសនា