ក្រសួងព័ត៌មានឆ្លើយតបនឹងសំណើសុំបិទបទ "ភ្ជុំបិណ្ឌនឹកស្រុក"

2018-10-04 08:51:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បទចម្រៀង "ភ្ជុំបិណ្ឌនឹកស្រុក" របស់លោក ម៉ៅ ហាជី កំពុងប្រឈមនឹងការបិទលែងឲ្យចាក់ផ្សាយតទៅទៀត ក្រោយក្រសួងការងារ និងបណ្ដុះបណ្ដាលវិជ្ជាជីវៈ ស្នើទៅក្រសួងព័ត៌មាន និងក្រសួងវប្បធម៌ និងវិចិត្រសិល្បៈ ឱ្យចាត់វិធានការផ្អាកការប្រើប្រាស់ និងផ្សព្វផ្សាយ កាលពីម្សិលមិញនេះ ក្រោមហេតុផលថា មានការប៉ះពាល់យ៉ាងខ្លាំងដល់គោលនយោបាយរដ្ឋាភិបាល។

លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន

ឆ្លើយតបតាមសារអេឡិចត្រូនិក លោក ខៀវ កាញារីទ្ធ រដ្ឋមន្ត្រីក្រសួងព័ត៌មានឲ្យដឹងថា **ពេលនេះក្រសួងកំពុងតែពិនិត្យថាតើ គួរបញ្ឈប់ការផ្សព្វផ្សាយបទចម្រៀងនេះ ឬមិនគួរ** ។ លោកបញ្ជាក់ថា ត្បិតតែឃ្លាមួយចំនួនក្នុងបទចម្រៀង "ភ្ជុំបិណ្ឌនឹកស្រុក" ធ្វើឲ្យប៉ះពាល់ដល់គោលនយោបាយរបស់រាជរដ្ឋាភិបាល ដែលកំពុងយកចិត្តទុកដាក់ និងផ្ដល់កិច្ចគាំពារដល់កម្មករ និយោជិត **ប៉ុន្តែបទចម្រៀងនេះបានចេញផ្សាយតាំងពី២ឆ្នាំមុនម្ល៉េះ ដូច្នេះមិនអាចសម្រេចភ្លាមៗថា បិទ ឬមិនបិទនោះទេ** ។

បទ "ភ្ជុំបិណ្ឌនឹកស្រុក" ច្រៀងដោយលោក ម៉ៅ ហាជី ស្ថិតក្នុងផលិតកម្មថោន បានចេញផ្សាយតាំងពីឆ្នាំ២០១៦មកម្ល៉េះ។ បទនេះ និពន្ធទំនុកច្រៀងដោយលោក ងួន សុបិន្ត៕

លិខិតរបស់ក្រសួងការងារ និងបណ្តុះបណ្តាលជីវៈ ស្នើទៅក្រសួងព័ត៌មាន៖