អ្នកចុះឈ្មោះបោះឆ្នោតថ្មី មិនបានពាក់កណ្ដាលនៃចំនួនដែលរំពឹងទុក

2018-10-19 05:03:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការពិនិត្យបញ្ជីឈ្មោះ និងចុះឈ្មោះបោះឆ្នោតឆ្នាំ២០១៨ ដែលធ្វើឡើងពីថ្ងៃទី១តុលាមក ត្រូវបានបញ្ចប់ហើយកាលពីថ្ងៃទី១៨តុលាម្សិលមិញនេះ ដោយគណៈកម្មាធិការជាតិរៀបចំការបោះឆ្នោត បានបង្ហាញលទ្ធផលបណ្តោះអាសន្នដូចខាងក្រោម៖

-អ្នកចុះឈ្មោះបោះឆ្នោតថ្មី មានចំនួន ១៩៥ ០៨៧នាក់ (ជាង១៩ម៉ឺននាក់) ស្មើនឹង ៣៩,៨២% នៃចំនួនប្រជាពលរដ្ឋប៉ាន់ស្មានដែលត្រូវចុះឈ្មោះថ្មីចំនួនជិត ៤៩ម៉ឺននាក់។

-អ្នកដែលបានលុបចេញពីបញ្ជី មានចំនួន ៥៤ ១៦៥នាក់។

-អ្នកដែលបានកែតម្រូវទិន្នន័យមានចំនួន ១ ៥៥៣នាក់។

ប្រជាពលរដ្ឋ ទៅចុះឈ្មោះបោះឆ្នោត កាលពីឆ្នាំ២០១៧

ជុំវិញចំនួនអ្នកទៅចុះឈ្មោះបោះឆ្នោតថ្មី ដែលមានមិនដល់ពាក់កណ្តាលនៃការរំពឹងទុកនេះ លោក ហង្ស ពុទ្ធា អ្នកនាំពាក្យ គ.ជ.ប បានថ្លែងប្រាប់វិទ្យុវាយោ កាលពីម្សិលមិញថា កត្តានេះ បណ្តាលមកពីការចុះឈ្មោះឆ្នាំនេះ គ្រាន់តែជាការធ្វើបច្ចុប្បន្នភាពប្រចាំឆ្នាំ មិនបម្រើឲ្យការបោះឆ្នោតនៅឆ្នាំបន្ទាប់ ដូចការចុះឈ្មោះឆ្នាំ២០១៦ និង២០១៧ ឡើយ៕