សិង្ហបុរី នឹងមានរោងចក្រផលិតរថយន្តអគ្គិសនី

2018-10-25 02:24:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុន Dyson ដែលមានប្រភពពីចក្រភពអង់គ្លេស បានប្រកាសថា ខ្លួននឹងចាប់ផ្ដើមផលិតរថយន្តអគ្គិសនី នៅប្រទេសសិង្ហបុរី ចាប់ពីឆ្នាំ២០២១ បន្ទាប់ពីរោងចក្រផលិតរថយន្តអគ្គិសនី ត្រូវបានសាងសង់រួចរាល់តាមផែនការនៅក្នុងឆ្នាំ២០២០។

គម្រោងរោងចក្ររថយន្តអគ្គិសនី នៅសិង្ហបុរី របស់ក្រុមហ៊ុន Dyson (រូបថត៖ Dyson)

រោងចក្រផលិតរថយន្តអគ្គិសនីជាផ្នែកមួយនៃគម្រោងដែលទំហំទឹកប្រាក់ ៣,៣ពាន់លានដុល្លារអាមេរិករបស់ក្រុមហ៊ុន Dyson ដែលវិនិយោគនៅទូទាំងពិភពលោក។ ក្រុមហ៊ុននេះ គ្រប់គ្រងដោយមហាសេដ្ឋីអង់គ្លេស James Dyson ដែលមានវ័យ៧១ឆ្នាំ។

មកទល់ពេលនេះ ក្រុមហ៊ុនដដែលបានជួលបុគ្គលិកនៅសិង្ហបុរីប្រហែល ១១០០នាក់រួចមកហើយ ដើម្បីឲ្យធ្វើការងារនៅមជ្ឈមណ្ឌលបច្ចេកវិទ្យាសិង្ហបុរី។

ក្រុមហ៊ុន Dyson បានប្រកាសថា ប្រាក់ចំណេញឆ្នាំ២០១៧ មានចំនួន ៨០០លានផោន (ប្រហែល ១ពាន់លានដុល្លារអាមេរិក) ពីប្រភពនៅប្រទេសចិន ឥណ្ឌា ជប៉ុន កូរ៉េខាងត្បូង និង កោះតៃវ៉ាន់។

សូមជម្រាបថា រថយន្តដំណើរការដោយអគ្គិសនី កំពុងពេញនិយមនៅបណ្ដាប្រទេសមួយចំនួនលើពិភពលោក ដើម្បីកាត់បន្ថយការបំពុលបរិស្ថានដោយឧស្ម័ន ដែលចេញពីរថយន្តដែលប្រើប្រាស់សាំង និងម៉ាស៊ូត៕

ប្រភព៖ Channelnewsasia ប្រែសម្រួល៖ លាភ.