កីឡាករភ្នំពេញក្រោន ហ្វឹកហាត់ថ្ងៃដំបូង ក្រោមការបង្វឹករបស់លោក Leo
- 2018-10-26 06:22:07
- ចំនួនមតិ 0 | ចំនួនចែករំលែក 0
កីឡាករភ្នំពេញក្រោន ហ្វឹកហាត់ថ្ងៃដំបូង ក្រោមការបង្វឹករបស់លោក Leo
ចន្លោះមិនឃើញ
ក្រុមកីឡាករនៃក្លឹបបាល់ទាត់ភ្នំពេញក្រោន បានចាប់ផ្ដើមប្រមូលផ្ដុំហ្វឹកហាត់ជាលើកដំបូង ក្រោមការដឹកនាំរបស់លោកគ្រូបង្គោលថ្មី Leonardo Vitorino កាលពីល្ងាចថ្ងៃទី២៥ ខែតុលាម្សិលមិញនេះ នៅកីឡដ្ឋាន RSN។ នៅក្នុងការហ្វឹកហាត់នោះ គេសង្កេតឃើញមានវត្តមានកីឡាករមួយចំនួន ចូលធ្វើតេស្តសមត្ថភាពផងដែរ ដូចជា នៅ សុសិលា ជាដើម។
យ៉ើ សាហ្វ៊ី ដែលជាកីឡាករវ័យក្មេងមួយរូប ក្នុងចំណោមកីឡាករវ័យក្មេងជាច្រើនរបស់ភ្នំពេញក្រោន ដែលចូលរួមហ្វឹកហាត់នោះ បានថ្លែងប្រាប់វិបសាយផ្លូវការរបស់ក្លឹប (ppcfc.com) ថា៖ « ខ្ញុំមានអារម្មណ៍សប្បាយរីករាយដែលបានគ្រូបង្វឹកល្បីមកដឹកនាំក្រុម ការហ្វឹកហាត់របស់គាត់ជាលើកដំបូងនេះគឺផ្តោតទៅលើការគ្រប់គ្រងបាល់ ការលេងបាល់លឿនៗ ហើយនៅពេលបាត់បាល់គឺត្រូវដេញយកឲ្យបានមកវិញ។ ហាត់ថ្ងៃដំបូងជាមួយគាត់ខ្ញុំពិតជាហត់ខ្លាំង ប៉ុន្តែយើងទទួួលបានចំណេះថ្មីៗជាច្រើន ព្រោះគាត់ជំរុញឲ្យយើងលេងខ្លាំងៗ លើទីលាន»។
សូមបញ្ជាក់ថា លោក Leonardo Vitorino ដែលជាអតីតគ្រូបង្គោលក្រុមបាល់ទាត់ជម្រើសជាតិកម្ពុជា ត្រូវបានតែងតាំងជាគ្រូបង្គោលនៃក្លឹបបាល់ទាត់ភ្នំពេញក្រោន កាលពីថ្ងៃទី២៤ ខែតុលា ឆ្នាំ២០១៨។ ក្រៅពីតែងតាំងលោក Leo ក្លឹបជើងឯកលីគកំពូលកម្ពុជា ៦សម័យ ក៏បានតែងតាំងលោក ស៊ុំ វណ្ណា ជាគ្រូជំនួយ និងលោក Luis Fernando Vitorino ជាគ្រូបង្វឹកអ្នកចាំទីផងដែរ។
ខាងក្រោមនេះ ជាទិដ្ឋភាពនៃការហ្វឹកហាត់ថ្ងៃដំបូងរបស់ភ្នំពេញក្រោន៖