សម្ដេច ហ៊ុន សែន នឹងចេញទៅប្រជុំ និងទស្សនកិច្ចក្រៅប្រទេស ៣ដងទៀត នាចុងឆ្នាំនេះ

2018-10-31 03:22:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្ដេច ហ៊ុន សែន នាយករដ្ឋមន្រ្តីកម្ពុជា បានបញ្ជាក់ថា សម្ដេចនឹងចេញទៅចូលរួមកិច្ចប្រជុំអន្តរជាតិ និងធ្វើទស្សនកិច្ចក្រៅប្រទេស យ៉ាងតិចចំនួន ៣ដងទៀត នៅចុងឆ្នាំ២០១៨នេះ។ ការបញ្ជាក់ដូច្នេះ បានធ្វើឡើងអំឡុងពេលសម្ដេចជួបសំណេះសំណាលជាមួយកម្មករជាង ៦ពាន់នាក់ នៅស្រុកមុខកំពូល ខេត្តកណ្តាល នៅព្រឹកថ្ងៃទី៣១ ខែតុលា ឆ្នាំ២០១៨នេះ។

សម្ដេច ហ៊ុន សែន ជួបពិភាក្សាជាមួយនាយករដ្ឋមន្រ្តីរុស្ស៊ី នាពេលកន្លងមក/ រូបភាព៖ ហ្វេសប៊ុកផេកសម្ដេច ហ៊ុន សែន

សម្ដេចនាយករដ្ឋមន្រ្តីបញ្ជាក់ថា ទី១ សម្ដេចនឹងទៅចូលរួមកិច្ចប្រជុំកំពូលអាស៊ាន នៅក្នុងប្រទេសសិង្ហបុរី នៅសប្ដាហ៍ក្រោយ។ ទី២ សម្ដេចនឹងធ្វើទស្សនកិច្ច និងចូលរួមកិច្ចប្រជុំអន្តរជាតិ នៅក្នុងប្រទេសនេប៉ាល់។ ទី៣ សម្ដេចនឹងធ្វើទស្សនកិច្ច និងចូលរួមកិច្ចប្រជុំនៅក្រុងវៀងចន្ទន៍ ប្រទេសឡាវ។

សម្ដេចបន្ថែមថា ក្រៅពីការធ្វើទស្សនកិច្ច និងការចូលរួមកិច្ចប្រជុំអន្តរជាតិ ៣ខាងលើនេះ សម្ដេចអាចនឹងធ្វើទស្សនកិច្ច និងចូលរួមកិច្ចប្រជុំផ្សេងៗបន្ថែមទៀតផងដែរ។

សូមបញ្ជាក់ថា ជាង ១ខែក្រោយបង្កើតរដ្ឋាភិបាល អាណត្តិទី៦ សម្ដេច ហ៊ុន សែន បានចេញទៅចូលរួមកិច្ចប្រជុំអន្តរជាតិ និងធ្វើទស្សនកិច្ចនៅប្រទេសចំនួន៨ ហើយ។ ប្រទេសទាំងនោះ មានដូចជា ចិន វៀតណាម អាមេរិក ជប៉ុន ឥណ្ឌូណេស៊ី បែលហ្ស៊ិក តួកគី និងស្វីស៕

អត្ថបទ៖ វាសនា