អ្នកនិពន្ធរឿង គួកជីង យ៉ាងគួរ ចាងអ៊ូជី ទទួលមរណភាពហើយ កាលពីម្សិលមិញ
- 2018-10-31 04:37:50
- ចំនួនមតិ 0 | ចំនួនចែករំលែក 0
អ្នកនិពន្ធរឿង គួកជីង យ៉ាងគួរ ចាងអ៊ូជី ទទួលមរណភាពហើយ កាលពីម្សិលមិញ
ចន្លោះមិនឃើញ
លោក Louis Cha ដែលជាអ្នកនិពន្ធរឿងប្រលោមលោកគុននិយមចិនដ៏ល្បីល្បាញ បានទទួលមរណភាពហើយ ក្នុងអាយុ ៩៤ឆ្នាំ បន្ទាប់ពីធ្លាក់ខ្លួនឈឺ អស់រយៈពេលជាយូរមក។
កាសែត Ming Pao Daily News ដែលលោក Louis Cha ជាស្ថាបនិក និង មានមូលដ្ឋាននៅហុងកុង បញ្ជាក់ថា លោកបានទទួលមរណភាពកាលពីថ្ងៃទី៣០ ខែតុលា ឆ្នាំ២០១៨ ក្នុងមន្ទីរពេទ្យមួយកន្លែង នៅក្រុងនេះ។
រឿងល្បីៗរបស់លោក ដែលប្រជាជនខ្មែរភាគច្រើនបានស្គាល់ គឺមានដូចជា រឿងអ្នកក្លាហានគួកជីង រឿងឥន្រ្ទីសេនាក្លាហាន (យ៉ាងគួរ និងសៀវ ឡុងនី) និងរឿងដាវទេវតា និងកាំបិតប្រហារនាគ (ចាង អ៊ូជី) ជាដើម។
សូមរំលឹកថា លោក Louis Cha កើតក្នុងឆ្នាំ១៩២៤ នៅក្រុង Hangzhou ខេត្ត Zhejiang ប្រទេសចិន។ រឿងដែលលោកបាននិពន្ធដំបូងបំផុតគឺមានចំណងជើងថា «គម្ពីរ និង ដាវ (The Book and the Sword)» ត្រូវបានបោះពុម្ពផ្សាយក្នុងឆ្នាំ ១៩៥៥៕