រាជរដ្ឋាភិបាល កំណត់ថ្ងៃបោះឆ្នោតជ្រើសរើសក្រុមប្រឹក្សារាជធានី-ខេត្ត-ក្រុង-ស្រុក-ខណ្ឌ លើកទី៣

2018-11-02 04:25:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រាជរដ្ឋាភិបាលកម្ពុជា បានកំណត់យកថ្ងៃអាទិត្យទី២៦ ខែឧសភា ឆ្នាំ២០១៩ ជាកាលបរិច្ឆេទ នៃការបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក និងក្រុមប្រឹក្សាខណ្ឌ។ នេះបើតាមសេចក្តីសម្រេចដែលចុះហត្ថលេខាដោយសម្តេចនាយករដ្ឋមន្រ្តី ហ៊ុន សែន កាលពីថ្ងៃទី៣០ ខែតុលា ឆ្នាំ២០១៨។

គួររំលឹកថា កម្ពុជា បានរៀបចំការបោះឆ្នោតជ្រើសរើសក្រុមប្រឹក្សារាជធានី-ខេត្ត-ក្រុង-ស្រុក-ខណ្ឌ ចំនួន២លើករួចមកហើយ ដោយលើកទី១ នៅឆ្នាំ២០០៩ និងលើកទី២ នៅឆ្នាំ២០១៤ ពោលគឺធ្វើឡើងជារៀងរាល់ ៥ឆ្នាំម្តង។

ប្រជាពលរដ្ឋចូលរួមបោះឆ្នោតជ្រើសតាំងតំណាងរាស្រ្តកាលពីខែកក្កដា ឆ្នាំ២០១៨កន្លងទៅ (រូបតំណាង)

យោងតាមមាត្រា២៧ នៃច្បាប់ស្តីពីការបោះឆ្នោតជ្រើសរើសក្រុមប្រឹក្សា រាជធានី-ខេត្ត-ក្រុង-ស្រុក-ខណ្ឌ ឱ្យដឹងថា ការបោះឆ្នោតនេះ ធ្វើឡើងជាលក្ខណៈអសកល ដោយអ្នកបោះឆ្នោតគឺជាសមាជិកក្រុមប្រឹក្សាឃុំ-សង្កាត់ នៅក្នុងមុខតំណែង៕

អត្ថបទ៖ សំភី