រដ្ឋាភិបាលអាមេរិក អបអរសាទរថ្ងៃបុណ្យឯករាជ្យជាតិកម្ពុជា ៩ វិច្ឆិកា

2018-11-08 01:28:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងការបរទេសសហរដ្ឋអាមេរិក កាលពីថ្ងៃទី៧ ខែវិច្ឆិកា ឆ្នាំ២០១៨ ម្សិលមិញ បានអបអរសាទរប្រជាជនកម្ពុជា សម្រាប់ខួបលើទី៦៥ នៃថ្ងៃបុណ្យឯករាជ្យជាតិកម្ពុជា ថ្ងៃទី៩ វិច្ឆិកា។ នេះបើតាមការចេញផ្សាយនៅលើគេហទំព័ររបស់ក្រសួងការបរទេសសហរដ្ឋអាមេរិក។

សម្ដេច ហ៊ុន សែន នាយករដ្ឋមន្រ្តីកម្ពុជា ចាប់ដៃជាមួយលោក ដូណាល់ ត្រាំ ប្រធានធិបតីអាមេរិក អំឡុងកិច្ចប្រជុំអាស៊ាន នៅហ្វីលីពីន

ក្រសួងការបរទេសសហរដ្ឋអាមេរិកបញ្ជាក់ថា "ក្នុងនាមរដ្ឋាភិបាលសហរដ្ឋអាមេរិក យើងសុំអបអរសាទរប្រជាជនកម្ពុជា សម្រាប់ខួបលើកទី៦៥ នៃការទទួលបានឯករាជ្យរបស់អ្នក នៅថ្ងៃទី៩ ខែវិច្ឆិកា"។

ក្រសួងការបរទេសបន្ដថា "ការផ្សារភ្ជាប់រវាងប្រជាជនអាមេរិក និងកម្ពុជា បានផ្ដល់ផលប្រយោជន៍ដល់ប្រទេសទាំងពីរ។ ជារៀងរាល់ឆ្នាំ អ្នកទេសចរអាមេរិកជាង ១៧ម៉ឺននាក់បានទទួលបទពិសោធន៍នៃសោភណ្ឌភាព និងប្រវត្ដិសាស្រ្ត ដែលកម្ពុជាបានផ្ដល់ឲ្យ ខណៈយើងនៅក្នុងសហរដ្ឋអាមេរិកបានរីករាយក្នុងការផ្ដល់ឲ្យសហគមន៍ ខ្មែរ-អាមេរិក របស់យើង ទទួលភាពមានបាន"។

ក្រសួងការបរទេសបន្ថែមថា "យើងនឹងចូលរួមចែករំលែកក្ដីសង្ឃឹមរបស់អ្នក សម្រាប់ការវិវត្តនៃសង្គមសេរី វិបុលភាព ប្រជាធិបតេយ្យ និងយុត្តិធម៌"៕