ជើងហោះហើរ Lion Air ជួបឧប្បត្តិហេតុថ្មី១ទៀត នៅព្រលានយន្តហោះ

2018-11-08 02:23:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្លាបរបស់យន្តហោះក្រុមហ៊ុនអាកាសចរណ៍ Lion Air ១គ្រឿង បានបុកជាមួយបង្គោលមួយ នៅព្រលានយន្តហោះ Fatmawati ក្រុង Bengkulu កាលពីយប់ថ្ងៃទី៧ ខែវិច្ឆិកា ឆ្នាំ២០១៨ ពេលរៀបចេញដំណើរទៅកាន់ក្រុងហ្សាកាតា ប្រទេសឥណ្ឌូណេស៊ី។ ឧប្បត្តិហេតុនេះ បានបង្កឲ្យស្លាបយន្តហោះ រហែក បណ្ដាលឲ្យពីឡុតផ្អាកការហោះហើរ។

ស្លាបយន្តហោះLion Air ១គ្រឿង បានបុកជាមួយបង្គោល នៅព្រលានយន្តហោះ Fatmawati ក្រុង Bengkulu កាលពីយប់ថ្ងៃទី៧ ខែវិច្ឆិកា ឆ្នាំ២០១៨ មុនពេលហោះហើរ (រូបថត៖ Facebook)

មន្ត្រី Lion Air បានប្រាប់ទៅកាន់ភ្នាក់ងារសារព័ត៌មាន CNN Indonesia ថា អ្នកដំណើរទាំងអស់ចំនួន ១៤៣នាក់ នៃជើងហោះហើរ JT633 ត្រូវបានប្ដូរជើងហោះហើរមួយផ្សេងទៀត។

(រូបថត៖ Facebook)

ហេតុការណ៍នេះ បានកើតឡើងស្របពេលដែល អាជ្ញាធរឥណ្ឌូណេស៊ី កំពុងស្វែងរកសពអ្នកដំណើរនៃជើងហោះហើរ JT610 របស់ Lion Air ដែលបានធ្លាក់ចូលសមុទ្រជ្វា។ មនុស្សសរុប ១៨៩នាក់នៅលើយន្តហោះ បានស្លាប់ទាំងអស់៕

ប្រភព៖ Channelnewsasia ប្រែសម្រួល៖ លាភ.