Suzuki Cup៖ អ្នកគាំទ្រឥណ្ឌូណេស៊ី ចំអកលេងសើចក្រុមជម្រើសជាតិខ្លួន មុនប៉ះសិង្ហបុរី

2018-11-10 01:44:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកគាំទ្រក្រុមបាល់ទាត់ជម្រើសជាតិឥណ្ឌូណេស៊ី បានធ្វើបដាដើម្បីចំអកលេងសើចក្រុមជម្រើសជាតិរបស់ខ្លួន ក្នុងការប្រកួតទល់នឹងក្រុមសិង្ហបុរី នៅពូល B បើកឆាក ព្រឹត្តិការណ៍ពានរង្វាន់ AFF Suzuki Cup 2018 ។

ជនជាតិឥណ្ឌូណេស៊ីដែលរស់នៅសិង្ហបុរីជាង ៣០០នាក់ និងអ្នកគាំទ្រឥណ្ឌូណេស៊ី ប្រមាណជាង ១៣០០នាក់ដែលបានធ្វើដំណើរពីក្រុងហ្សាកាតាទៅកាន់ទស្សនានៅក្រុងសិង្ហបុរី បានចូលរួមក្នុងការប្រកួតដែលរៀបចំនៅកីឡដ្ឋានជាតិសិង្ហបុរី កាលពីយប់ថ្ងៃសុក្រ ទី៩ ខែវិច្ឆិកា ឆ្នាំ២០១៨។

បដារបស់អ្នកគាំទ្រឥណ្ឌូណេស៊ី បានសរសេរថា៖ «តើអ្នកមិនមានភាពអៀនខ្មាស់ទេឬ ចំពោះលទ្ធផលដែលក្រុមជម្រើសជាតិឈុតធំរបស់អ្នកសម្រេចបាន?»។

ការចំអកលេងសើចរបស់អ្នកគាំទ្រឥណ្ឌូណេស៊ី បានធ្វើឡើងបន្ទាប់ពីក្រុម U19 ឥណ្ឌូណេស៊ី បានឡើងដល់វគ្គ ៨ក្រុមចុងក្រោយ ពានរង្វាន់ AFC U19 កាលពីថ្មីៗនេះ។

យ៉ាងណាមិញ ក្រុមជម្រើសជាតិឈុតធំ ដែលបច្ចុប្បន្នក្រោមការដឹកនាំរបស់លោក Bima Sakti មិនធ្លាប់ឈ្នះពានរង្វាន់ AFF Suzuki Cup ឡើយ ទោះបីជាពួកគេធ្លាប់ឡើងដល់វគ្គផ្តាច់ព្រ័ត្រពានរង្វាន់នេះ ចំនួន ៥លើក រួចទៅហើយក៏ដោយ។

សូមជម្រាបថា ឥណ្ឌូណេស៊ី បានប្រកួតចាញ់ម្ចាស់ផ្ទះ សិង្ហបុរី ដោយលទ្ធផល ១-០ នៅថ្ងៃបើកឆាក ពូល B ពានរង្វាន់ AFF Suzuki Cup 2018 កាលពីយប់មិញ៕

ប្រភព៖ Fox Sports Asia ប្រែសម្រួល៖ លាភ.