យន្ដហោះចម្បាំងអាមេរិក ធ្លាក់ចូលសមុទ្រហ្វីលីពីន ២លើកក្នុងរយៈពេល ១ខែ

2018-11-12 08:31:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យន្ដហោះចម្បាំងមួយគ្រឿង នៃកងទ័ពជើងទឹកអាមេរិក របស់នាវាដឹកយន្តហោះ USS Ronald Reagan បានជួបឧប្បទ្ទវហេតុ ធ្លាក់ចូលសមុទ្រភាគឦសាន នៃប្រទេសហ្វីលីពីន នៅថ្ងៃទី១២ ខែវិច្ឆិកា ឆ្នាំ២០១៨នេះ។ អ្នកបើកយន្តហោះ ២នាក់ត្រូវបានជួយសង្រ្គោះដោយសុវត្ថិភាព។

នាវាដឹកយន្តហោះ USS Ronald Reagan ដែលចតនៅកំពង់ផែក្រុង Busan ប្រទេសកូរ៉េខាងត្បូង

កងទ័ពជើងទឹកអាមេរិកបានចេញសេចក្តីប្រកាសព័ត៌មានថា យន្តហោះចម្បាំងប្រភេទ F/A-18 Hornet មានបញ្ហាមេកានិក អំឡុងពេលហោះប្រតិបត្តិការជាទៀងទាត់។ ចំណែកមូលហេតុនៃឧប្បទ្ទវហេតុនេះកំពុងស្ថិតក្រោមការស៊ើបអង្កេត។

សូមបញ្ជាក់ថា នេះជាករណីលើកទី២ ដែលយន្តហោះរបស់នាវាដឹកយន្តហោះ USS Ronald Reagan ជួបបញ្ហាក្នុងរយៈពេលមិនដល់មួយខែផង។ នៅពាក់កណ្ដាលខែតុលា កន្លងទៅ ឧទ្ធម្ភាគចក្រ ១គ្រឿង បានធ្លាក់ចូលសមុទ្រ ក្រោយហោះចេញពីនាវាដឹកយន្តហោះបានបន្ដិច៕

ប្រភព៖ Philstar ប្រែសម្រួល៖ វាសនា