រណសិរ្ស រំដោះជាតិខ្មែរ សម្រេចបង្កើតគណបក្សរំដោះជាតិខ្មែរ

2018-11-27 01:46:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រណសិរ្សរំដោះជាតិខ្មែរ ដែលជារដ្ឋាភិបាលនិរទេស បានសម្រេចបង្កើតគណបក្សរំដោះជាតិខ្មែរ ដើម្បីចូលរួមការបោះឆ្នោតនៅអាណត្តិក្រោយ ឆ្នាំ២០២៣ ខាងមុខនេះ។ ហើយនៅក្នុងសប្តាហ៍នេះ រណសិរ្សរំដោះជាតិខ្មែរ នឹងយកពាក្យស្នើសុំបង្កើតគណបក្សទៅដាក់នៅក្រសួងមហាផ្ទៃ។ នេះបើតាមការបញ្ជាក់របស់លោក ធុយ វី សមាជិកជាន់ខ្ពស់ នៃរណសិរ្សរំដោះជាតិខ្មែរ។

លោក ធុយ វី សមាជិកជាន់ខ្ពស់ នៃរណសិរ្សរំដោះជាតិខ្មែរ (រូបថត៖ ផ្ដល់ឲ្យ)

ការសម្រេចបង្កើតគណបក្សនេះ គឺបន្ទាប់ពីមានកិច្ចប្រជុំមួយរបស់រណសិរ្ស រំដោះជាតិខ្មែរ ដឹកនាំដោយលោក ធុយ វី កាលពីល្ងាចថ្ងៃទី២៦ ខែវិច្ឆិកា ឆ្នាំ២០១៨។

លោក ធុយ វី ត្រូវបានតុលាការដោះលែងចេញពីពន្ធនាគារកាលពីថ្ងៃទី២០ ខែវិច្ឆិកា ឆ្នាំ២០១៨។ ការដោះលែងលោកឲ្យមានសេរីភាព គឺបន្ទាប់ពីលោកបានអនុវត្តទោស ១ឆ្នាំ ៦ខែ "មួយឆ្នាំកន្លះ"។

លោក ធុយ វី ជាសមាជិករណសិរ្សរំដោះជាតិខ្មែរ ដែលដឹកនាំដោយលោក សម សេរី ត្រូវបានសមត្ថកិច្ចចាប់ខ្លួនកាលពីថ្ងៃទី១៦ ខែឧសភា ឆ្នាំ២០១៧ ក្នុងពេលខ្លួនកំពុងធ្វើសន្និសីទកាសែត ស្ដីពីជំហររបស់រណសិរ្សរំដោះជាតិខ្មែរ។ ហើយនៅថ្ងៃទី១៧ ខែឧសភា ឆ្នាំ២០១៧ សាលាដំបូងរាជធានីភ្នំពេញ បានបើកសវនាការជំនុំជម្រះកាត់ទោសឲ្យជាប់ពន្ធនាគារមួយឆ្នាំកន្លះ និងចោទប្រកាន់ ពីបទញុះញង់ឲ្យប្រព្រឹត្តបទឧក្រិដ្ឋជាអាទិ៍៕

អត្ថបទ៖ សោភា