ថៃ អបអរការដាក់ល្ខោនខូន ជាបេតិកភណ្ឌពិភពលោក ដោយរៀបចំការសម្ដែងពីពេលនេះ រហូតដាច់ឆ្នាំ
- 2018-11-30 01:59:26
- ចំនួនមតិ 0 | ចំនួនចែករំលែក 0
ថៃ អបអរការដាក់ល្ខោនខូន ជាបេតិកភណ្ឌពិភពលោក ដោយរៀបចំការសម្ដែងពីពេលនេះ រហូតដាច់ឆ្នាំ
ចន្លោះមិនឃើញ
អង្គការ UNESCO បានចុះបញ្ជីល្ខោនខូនថៃ ជាសម្បតិ្តបេតិកភណ្ឌវប្បធម៌អរូបី នៃមនុស្សជាតិ កាលពីថ្ងៃទី២៩ ខែវិច្ឆិកាម្សិលមិញនេះ នៅក្នុងកិច្ចប្រជុំលើកទី១៣ នៃគណៈកម្មការអន្តររដ្ឋាភិបាលសម្រាប់ការការពារបេតិកភណ្ឌវប្បធម៌អរូបី នៅសាធារណរដ្ឋម៉ូរីស។
ដើម្បីជាការអបអរ ក្រសួងវប្បធម៌ថៃ នឹងចាប់ផ្ដើមរៀបចំរាល់សកម្មភាពដែលទាក់ទងនឹងល្ខោនខូន រហូតដល់ដាច់ឆ្នាំ ២០១៨ ដែលមានដូចជាការសម្ដែង ការធ្វើភាពយន្តគំនូជីវចល ការតាំងពិពណ៌ ការផលិតជាសៀវភៅសម្រាប់កុមារ ការផលិតរឿងខ្លី និងការផលិិតឯកសារផ្សេងៗដែលទាក់ទងនឹងល្ខោនខូនលើប្រព័ន្ធឌីជីថលជាដើម។ រាល់អ្នកដែលពាក់ព័ន្ធនឹងល្ខោនខូន ក៏នឹងត្រូវធ្វើពិធីអបអរផងដែរ។
សូមបញ្ជាក់ថា កាលពីថ្ងៃទី២៨ ខែវិច្ឆិកា ល្ខោនខោនវត្តស្វាយអណ្តែត របស់កម្ពុជា ក៏ត្រូវបានដាក់ក្នុងបញ្ជីបញ្ជីសម្បត្តិបេតិកភណ្ឌវប្បធម៌អរូបីផងដែរ ប៉ុន្តែនៅក្នុងបញ្ជីដែលត្រូវការពារ និងអភិរក្សបន្ទាន់ (Urgent Safeguarding List)៕