ពូទីន៖ ភាពយន្តហូលីវូដ Hunter Killer ជាភាពយន្តអាក្រក់មួយ
- 2018-12-04 02:23:21
- ចំនួនមតិ 0 | ចំនួនចែករំលែក 0
ពូទីន៖ ភាពយន្តហូលីវូដ Hunter Killer ជាភាពយន្តអាក្រក់មួយ
ចន្លោះមិនឃើញ
លោក វ្លាឌីមៀ ពូទីន ប្រធានាធិបតីរុស្ស៊ី បានលើកឡើងថា ភាពយន្តហូលីវូត Hunter Killer ដែលជាភាពយន្តស្ដីពីការបញ្ជូនយោធាអាមេរិកទៅជួយប្រធានាធិបតីរុស្ស៊ីដែលត្រូវគេចាប់ជាចំណាប់ខ្មាំងក្នុងរដ្ឋប្រហារមួយ គឺជាភាពយន្តអាក្រក់។
ការលើកឡើងរបស់លោក ពូទីន ដូច្នេះ គឺឆ្លើយតបនឹងសំនួររបស់អ្នកកាសែតនៅកិច្ចប្រជុំប្រទេស G 20 នៅប្រទេសអាហ្សង់ទីន កាលពីចុងសប្ដាហ៍មុន។ អ្នកកាសែតបានសួរលោក ពូទីន អំពីភាពយន្តដែលទើបដាក់បញ្ជាំងកាលពីពេលថ្មីៗ គឺភាពយន្ត Hunter Killer ដែលកងទ័ពជើងទឹក និងនាវាមុជទឹកអាមេរិកបានចូលទៅជួយសង្រ្គោះប្រធានាធិបតីរុស្ស៊ីដែលកំពុងជាប់ឃុំនៅមូលដ្ឋានកងទ័ពជើងទឹករុស្ស៊ីក្នុងតំបន់អាក់ទិក និងការពារមិនឲ្យមេដឹកនាំរដ្ឋប្រហារបង្កើតសង្រ្គាមលោកលើកទី៣។
លោក ពូទីន បានឆ្លើយថា "ទូកកងទ័ពជើងទឹក ២គ្រឿង ដែលជាអំណោយរបស់អាមេរិកទៅអ៊ុយក្រែន មិនអាចឆ្លងកាត់ច្រកសមុទ្រ Kerch ផង... ហើយអ្នកចង់ឲ្យនាវាមុជទឹកអាមេរិកចូលក្នុងមូលដ្ឋានកងទ័ពជើងទឹករបស់យើង? ស្ដាប់ទៅដូចជាភាពយន្តអាក្រក់មួយ"៕
វីដេអូ Trailer ភាពយន្ត Hunter Killer