ក្រោយទទួលបាន GI ក្រូចថ្លុងខេត្តក្រចេះឡើងថ្លៃ ហើយបម្រើទីផ្សារមិនគ្រប់គ្រាន់ទៀត

2018-12-04 06:17:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

៦ខែហើយមកទល់ខែធ្នូនេះ ដែលក្រូចថ្លុងខេត្តក្រចេះបានទទួលសញ្ញាសំគាល់ភូមិសាស្ត្រ (GI) ពីក្រសួងពាណិជ្ជកម្មសម្រាប់ផ្លែក្រូចថ្លុង ដែលល្បីមានរស់ជាតិឆ្ងាញ់ជាងក្រូចថ្លុងណាៗទាំងអស់នៅកម្ពុជាយើងនេះ។ ពិសេសក្រូចថ្លុងនៅកោះទ្រុង ដែលស្ថិតនៅត្រើយម្ខាងនៃក្រុងក្រចេះតែម្តង។

លោកស្រី ជាង រីណា ប្រធានសហគមន៍អ្នកដាំក្រូចថ្លុងខេត្តក្រចេះបានប្រាប់ឲ្យដឹងនេះថា ក្រោយពីទទួលបានស្លាកសញ្ញាសំគាល់ភូមិសាស្ត្រ (GI) ចេញដោយក្រសួងពាណិជ្ជកម្មមក ធ្វើឲ្យក្រូចថ្លុងឡើងថ្លៃខ្ពស់ គឺថ្លៃ ១៤០០រៀលក្នុង១ផ្លែ ដែលមុនការផ្តល់ស្លាកសញ្ញានេះថ្លៃមួយផ្លែតែ ៦០០០រៀលប៉ុណ្ណោះ។

លោកស្រីបន្ដថា "យើងផ្សព្វផ្សាយនៅលើទីផ្សារទៅលើផលិតផលមួយនេះ គឺបានច្រើនណាស់ តែយើងខ្វះក្រូចបម្រើ ឲ្យទីផ្សារទៅវិញ។ ផ្គត់ផ្គង់បានតែក្នុងទីផ្សារក្រចេះមួយគត់មកដល់បច្ចុប្បន្ននេះ។ មិនអាចបោះមកលើទីផ្សារធំៗនៅភ្នំពេញ និងខេត្តសៀមរាបបាននោះទេ មកទល់ពេលនេះ។ ហើយផ្ទៃដីពង្រីកដំណាំក្រូចថ្លុងក៏មិនឃើញសញ្ញាណាឲ្យមានការដាំថ្មីនោះទេ ក្រៅតែពីបរិវេណក្នុងតំបន់កោះទ្រុងនោះទេ"។

ដោយឡែកលោក គុយ ហ៊ួត ប្រធានមន្ទីរកសិកម្ម រុក្ខាប្រមាញ់ និងនេសាទបានមានប្រសាសន៍ថា ផ្ទៃដីក្រូចថ្លុងត្រូវបានពង្រីកដាំ ២០ហិកតាបន្ថែមទៀតនៅស្រុកចំនួនបី ក្រៅពីកោះទ្រុង គឺគេដាំដោយដោយប្រើវិធីផ្សាំមែក ប្រើពេលបីឆ្នាំបានទទួលផល៕