ឯកសារ​សំខាន់​ចំនួន៤ នឹង​ត្រូវ​ចុះ​ហត្ថលេខា អំឡុង​ទស្សនកិច្ច​របស់​សម្ដេច ហ៊ុន សែន នៅ​ឡាវ

  • 2018-12-05 03:24:35
  • ចំនួនមតិ 0 | ចំនួនចែករំលែក 17

ចន្លោះមិនឃើញ

តប​តាម​ការអញ្ជើញ​របស់លោក ថងលូន ស៊ី​សូលី​ត (Thongloun Sisoulith) នាយករដ្ឋមន្ត្រី​ឡាវ​ នៅ​ព្រឹក​ថ្ងៃទី​៥ ខែធ្នូ​នេះ សម្តេច ហ៊ុន សែន នាយករដ្ឋមន្ត្រី​កម្ពុជា​បាន​ដឹកនាំ​គណៈប្រតិភូ​ជាន់ខ្ពស់​រាជរដ្ឋាភិបាល​កម្ពុជា ទៅ​បំពេញ​ទស្សនកិច្ច​ផ្លូវការ​នៅ​ប្រទេស​ឡាវ រយៈពេល ២​ថ្ងៃ គឺ​ចាប់ពី​ថ្ងៃទី​៥​ ដល់​ថ្ងៃទី៦ ខែធ្នូ​ ឆ្នាំ​២០១៨។ នេះបើយោងតាមលោកស្រ៊ី ថាមរុង្គ រដ្ឋមន្រ្តីប្រតិភូអមនាយករដ្ឋមន្រ្តី។

សម្ដេច ហ៊ុន សែន ជួបពិភាក្សា​ជាមួយ​លោក ថងលូន ស៊ីសូលីត នាយករដ្ឋមន្រ្តីឡាវ កាលពី​ខែ​សីហា ឆ្នាំ​២០១៧/ រូបភាព៖ Press OCM

ក្នុង​អំឡុងពេល​ទស្សន​កិច្ច​នៅ​ប្រទេស​ឡាវ សម្តេច​នាយករដ្ឋមន្ត្រី​នឹង​ជួបពិភាក្សា​ទ្វេភាគី​ជាមួយ​លោក ថង​លូន ស៊ី​សូលី​ត នាយក​រដ្ឋមន្ត្រី​ឡាវ។ បន្ទាប់ពី​ជំនួប​នោះ សម្តេច​នាយក​រដ្ឋមន្រ្តី និង​លោក ថង​លូន ស៊ី​សូលី​ត នឹង​ធ្វើជា​អធិបតី​នៅក្នុង​ពិធី​ចុះហត្ថលេខា​លើ​ឯកសារ​ចំនួន ៤ រួមមាន​៖

១. កិច្ចព្រមព្រៀង​ស្ថី​ពី​វិស័យ​សិក្សាធិការ ដែល​ពាក់ព័ន្ធ​ការផ្តល់​អាហារូបករណ៍​គ្នា​ទៅវិញទៅមក

២. អនុស្សារណៈ​កិច្ចសហប្រតិបត្តិការ​លើ​វិស័យ​វប្បធម៌ និង​សិល្បៈ​ពី​ឆ្នាំ ២០១៩ ដល់​២០២១

៣. អនុស្សារណៈ​ស្តីពី​ការ​ខ្ចី​សត្វ​ដំរី​ពី​ប្រទេស​ឡាវ​មក​ដា​ក់នៅ​សួន សា​ហ្វា​រី ដើម្បី​ទុក​ត្រៀម​រៀបចំ​ក្នុង​ពិធី​ជាតិ​ធំៗ​នាពេលខាងមុខ​នៅ​កម្ពុជា មាន​កិច្ចប្រជុំ​អា​សេម និង ស៊ី​ហ្គេម និង

៤. អនុស្សារណៈ​នៃ​ការទិញ​ថាមពល​អគ្គិសនី​ពី​ប្រទេស​ឡាវ និង​ខេត្តស្ទឹងត្រែង៕


ប្រភព៖ រស្មីកម្ពុជា ប្រែ​សម្រួល៖ វាសនា