ប្រធាន​ផ្នែក​ហិរញ្ញវត្ថុ​ក្រុមហ៊ុន Huawei ត្រូវ​អាជ្ញាធរ​កាណាដា​ចាប់ខ្លួន

  • 2018-12-06 02:51:47
  • ចំនួនមតិ 0 | ចំនួនចែករំលែក 7

ចន្លោះមិនឃើញ

អាជ្ញាធរ​កាណាដា​បាន​ចាប់ខ្លួន​ប្រធាន​ផ្នែក​ហិរញ្ញវត្ថុ​ក្រុមហ៊ុន Huawei គឺ​លោកស្រី Meng Wanzho នៅ​ក្រុង Vancouver ជា​កន្លែង​ដែល​បុគ្គលិក​ជាន់ខ្ពស់​ក្រុមហ៊ុន Huawei រូប​នេះ ប្រឈម​នឹង​ការ​ធ្វើ​បត្យាប័ន​ទៅកាន់​អាមេរិក។ នេះ​បើតាម​ការ​បញ្ជាក់​របស់​ក្រសួង​យុត្តិធម៌​កាណាដា។

លោកស្រី Meng Wanzhoប្រធាន​ផ្នែក​ហិរញ្ញវត្ថុ​ក្រុមហ៊ុន Huawei

ការ​ចាប់ខ្លួន​នេះ​គឺ​ពាក់ពន្ធ​នឹង​ការ​រំលោភ​លើ​ទណ្ឌកម្ម​របស់​អាមេរិក។ នេះបើតាម​សារព័ត៌មាន Reuters។ ប៉ុន្ដែ Reuters ពុំទាន់​ទទួល​បាន​ការ​បញ្ជាក់​ពី​មូលហេតុ​ច្បាស់លាស់​នៃ​ការ​រំលោភ​ទណ្ឌកម្ម​នៅ​ឡើយ​ទេ។

អ្នកនាំពាក្យ​ក្រសួង​យុត្តិធម៌​កាណាដា​បាន​បញ្ជាក់​ថា លោកស្រី Meng Wanzhou ត្រូវ​បាន​ចាប់ខ្លួន កាលពី​ថ្ងៃ​ទី១ ខែ​ធ្នូ កន្លងទៅ ហើយ​នឹង​ត្រូវ​តុលាការ​ធ្វើការ​សាកសួរ​នៅ​ថ្ងៃ​ទី៧ ខែ​ធ្នូ ស្អែក​នេះ។

ចំណែក​ក្រុមហ៊ុន Huawei បាន​បញ្ជាក់​ពី​ការ​ចាប់ខ្លួន​នៅ​ក្នុង​សេចក្តី​ថ្លែងការ​របស់​ខ្លួន ហើយ​បន្ថែម​ថា ក្រុមហ៊ុន​មិន​បាន​ដឹង​ពី​កំហុស​ណាមួយ​ដែល​ប្រព្រឹត្ត​ដោយ​លោកស្រីប្រធាន​ផ្នែក​ហិរញ្ញវត្ថុ​នោះ​ទេ។

រីឯស្ថានទូតចិន​ប្រចាំ​ប្រទេស​កាណាដា​បាន​ប្រកាស​ប្រឆាំង​យ៉ាងខ្លាំង​នឹង​ការ​ចាប់ខ្លួន​នេះ ហើយ​បាន​អំពាវនាវ​ឲ្យ​មាន​ការ​ដោះលែង​ជា​បន្ទាន់៕


ប្រភព៖ Channelnewsasia ប្រែ​សម្រួល៖ វាសនា