ក្រសួង​មហាផ្ទៃ នឹង​ពិនិត្យ​ការ​ដកបម្រាម​ហាមឃាត់​សកម្មភាព​នយោបាយ​លោក កឹម សុខា

  • 2018-12-06 03:19:54
  • ចំនួនមតិ 0 | ចំនួនចែករំលែក 25

ចន្លោះមិនឃើញ

ក្រសួង​មហាផ្ទៃ​នឹង​ពិនិត្យ​លើ​ការ​ដកបម្រាម​ហាមឃាត់​ធ្វើ​សកម្មភាព​នយោបាយ​លើ​លោក កឹម សុខា អតីតប្រធាន​គណបក្ស​សង្គ្រោះជាតិ រួមទាំង​មន្ត្រីមួយ​ចំនួន ដែល​បាន​អនុវត្តសាដីកា​របស់តុលាការ​កំពូល នៅ​ពាក់​កណ្តាលខែធ្នូ ខាង​មុខ​នេះ គឺបន្ទាប់​ពីរដ្ឋសភា​អនុម័ត​វិសោធនកម្មលើមាត្រា ៤៥ថ្មី (ស្ទួន) នៃ​ច្បាប់ស្តីពី​គណបក្សនយោបាយ។

សម្ដេច ស ខេង ថ្លែង​នៅកាន់ក្រុមអ្នកកាសែត នៅ​ថ្ងៃ​ទី៦​ ខែ​ធ្នូ ឆ្នាំ​២០១៨

សម្តេច​ក្រឡាហោម ស ខេង នាយករដ្ឋមន្ត្រី​ស្តីទី បានថ្លែង​នៅព្រឹក​ថ្ងៃទី០៦ ខែធ្នូ នេះថា ក្រសួង​មហាផ្ទៃ​នឹង​ពិនិត្យ​លើការ​ដកបម្រាម​លើ​អតីតមន្ត្រី​គណបក្សសង្គ្រោះជាតិ ចំនួន ១១៨រូប ក្រោយ​ច្បាប់​ចូលជាធរមាន។ នៅក្នុង​ច្បាប់បាន​ដាក់​ថា តាម​សំណើ​របស់​រដ្ឋមន្ត្រីក្រសួង​មហាផ្ទៃ នាយករដ្ឋមន្ត្រី​លើក​សំណើ​ទៅ​ព្រះមហាក្សត្រ។ ដោយ​សម្តេចក្រឡាហោម​បាន​បញ្ជាក់ថា " ខ្ញុំយល់ថា អ្នកណា​ដែល​បាន​គោរព​សាលក្រម គិតដល់​អ្នក​គោរព​សាលក្រម​មុន អាទិភាព គឺអ្នក​ដែល​គោរពសាលក្រមមុន"។

ឆ្លើយសំនួរ​ជាមួយ​ភ្នាក់ងារព័ត៌មាន [ខ្លីៗ] តើការដកបម្រាម​នេះ​អាចមាន​លោក កឹម សុខា ដែរឬទេ? សម្តេច ស ខេង បាន​ឆ្លើយ​ថា "បើយល់ថា អ្នកណា​គោរព​សាលក្រម យើង​យល់​បាន​ហើយ ខ្ញុំ​មិន​និយាយ​ទេ"៕


អត្ថបទ៖ សោភា