ក្រុងប៉េកាំង ទាមទារការបកស្រាយពីកាណាដា និងអាមេរិក លើការឃុំខ្លួនប្រធានផ្នែកហិរញ្ញវត្ថុ Huawei

2018-12-07 02:32:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

“មិនថាអាមេរិក ឬកាណាដាទេ ត្រូវតែផ្ដល់ការបកស្រាយសម្រាប់ការឃុំខ្លួនលោកស្រី Meng Wanzhou”។ នេះជាការលើកឡើងរបស់លោក Geng Shuang អ្នកនាំពាក្យក្រសួងការបរទេសចិន កាលពីថ្ងៃទី៦ ខែធ្នូ ឆ្នាំ២០១៨ ម្សិលមិញ។

លោកស្រី Meng Wanzhou ប្រធានផ្នែកហិរញ្ញវត្ថុក្រុមហ៊ុន Huawei

អ្នកនាំពាក្យរូបនេះបានជំរុញឲ្យអាមេរិក និងកាណាដាបញ្ជាក់ពីមូលហេតុឲ្យបានច្បាស់លាស់លើការចាប់ខ្លួនលោកស្រី Meng Wanzhou ប្រធានផ្នែកហិរញ្ញវត្ថុក្រុមហ៊ុន Huawei និងដោះលែងលោកស្រី Meng ជាបន្ទាន់ ដើម្បីការពារសិទ្ធិស្របច្បាប់។

លោកស្រី Meng ត្រូវបានចាប់ខ្លួននៅក្នុងក្រុង Vancouver ប្រទេសកាណាដា កាលពីថ្ងៃទី១ ខែធ្នូ ឆ្នាំ២០១៨ ហើយអាចប្រឈមនឹងការធ្វើបត្យាប័នទៅកាន់អាមេរិក។

ចំណែកក្រុមហ៊ុន Huawei វិញបានបញ្ជាក់ថា លោកស្រី Meng ត្រូវបានចាប់ខ្លួន ខណៈពេលកំពុងប្ដូរជើងហោះហើរនៅក្នុងប្រទេសកាណាដា ហើយកំពុងប្រឈមនឹងការចោទប្រកាន់មិនច្បាស់លាស់៕

ប្រភព៖ CGTN ប្រែសម្រួល៖ វាសនា